रिचा मेमोरियल क्रिकेट: सगरमाथाको दुवै टोलीको विजयी शुरुवात
<p>नेपाल क्रिकेट संघ (क्यान)का पूर्व उपाध्यक्ष नरेश श्रेष्ठकी छोरी रिचा श्रेष्ठको स्मृतिमा सगरमाथा क्रिकेटको आयोजना तथा भिक्टोरिया नेप्लिज क्रिकेट एसोसियसनको सहकार्यमा भिक्टोरिया, मेलबर्नमा आजदेखि प्रतियोगिता शुरु भएको हो।</p>
<p>सातामा एक दिन मात्र खेल हुने यस प्रतियोगितामा पहिलो दिन चार खेल भएको छ। सहभागी ८ वटै टोलीले आज एक-एक खेल खेलिसकेका छन्।</p>
<p>समूह ए को खेलमा सगरमाथा ब्रिलियन्टले दी हिमालयन क्लबलाई ४ विकेटले पराजित गरेको छ।</p>
<p>हिमालयन क्लबले दिएको ११७ रनको लक्ष्य सगरमाथा ब्रलियन्टले १८.४ ओभरमा ६ विकेट गुमाएर पूरा गरेको हो। ब्रिलियन्टका लागि भूषण श्रेष्ठले नटआउट ३० रन बनाए।</p>
<p style="text-align:center"><img alt="" height="1189" src="https://www.dekhapadhi.com/storage/photos/shares/Sports/games_scorecard.jpg" width="840" /></p>
<p>यस्तै सुजन थापाले पनि ३० रन जोडे। भूषणले नै ३ विकेट लिँदा पहिले ब्याटिङ गरेको हिमालयन क्लब २० ओभरमा एक सय १६ रनमा अलआउट भएको थियो।</p>
<p>भूषण खेलको म्यान अफ दी म्याच घोषित भए।</p>
<p>समूह ए कै अर्को खेलमा रोएल राइनोज ए ले एक्सपर्ट सीसीलाई ७ विकेटले पराजित गरेको छ। रोयल राइनोज ए ले ८४ रनको लक्ष्य ११.३ ओभरमा ३ विकेट गुमाएर पूरा गरेको हो।</p>
<p>यस्तै समूह बी को खेलमा दीपेन रायमाझीले अलराउण्ड प्रदर्शन गर्दा सगरमाथा ए ले गोर्खाली सीसीलाई ८१ रनले पराजित गरेको छ। दीपेनको ७५ रनको मद्दतमा सगरमाथा ए ले निर्धारित २० ओभरमा ७ विकेट गुमाएर १८१ रन बनाएको थियो। गोर्खालीका केशर पन्तले ४ विकेट लिए।</p>
<p>जवाफमा १८२ रनको लक्ष्य पछ्याएको गोर्खालीले २० ओभरमा ९ विकेट गुमाएर १०० रन मात्र बनाउन सक्यो। गोर्खालीका लागि अनिल खनालले ३० रन जोडे।</p>
<p>म्यान अफ दी म्याच बनेका सगरमाथा ए मा दीपेनले २ विकेट लिए। सगरमाथाबाट युनिल श्रेष्ठ र विकेट श्रेष्ठ पनि खेलेका थिए।</p>
<p>केही महिनाअघि निधन भएकी रिचाकी दाजु युनिल हुन् भने विकेक उनका पति हुन्।</p>
<p>यस्तै समूह बी कै अर्को खेलमा नारे किंग्सले रोयल राइनोज बी लाई पराजित गरेको छ।</p>
प्रतिक्रिया दिनुहोस्
.jpg)
