रामोसको कीर्तिमानी खेलमा स्पेन बराबरीमा रोकियो
<p>काठमाडौं। डिफेण्डर सर्गियो रामोस राष्ट्रको लागि धेरै खेल खेल्ने खेलाडि बन्दा स्पेन नर्वेसँग बराबरीमा रोकिएको छ।</p>
<p>यूरो कप २०२० को छनोट अन्तर्गत समूह एफ को खेलमा स्पेन र नर्वेले १-१ गोलको बराबरी खेल्दै अंक बाँडेका हुन्। नर्वे विरुद्धको खेलमा शुरुवात गरेसँगै रामोसले स्पेनको लागि १६८औं क्याप जितेका हुन्। उनले अर्का लेजेण्ड गोलकिपर इकर कासिलासको कीर्तिमान पछि पारेका छन्। </p>
<p>सउल निगेजले दोस्रो हाफमा गोल गर्दै स्पेनलाई अग्रता दिलाएपनि अन्त्यतिर जोसुअ किङले नर्वेका लागि बराबरी गोल फर्काएका थिए।</p>
<p>स्पनेको लागि १६८औं खेल खेल्न पाउँदा रामोसले खुशी लागेको बताएका छन्। उनले स्पेनको जर्सी लगाउँदा सधैँ भावानात्मक हुने बताए।</p>
<p>स्पानिस जायन्ट रियल मड्रिडबाट व्यवसायीक फूटबल खेल्ने ३३ वर्षीय रामोसले सन् २००५ मा स्पेनको राष्ट्रिय टोलीमा डेब्यु गरेका थिए।</p>
<p>स्पेनको गोल्डेन जेनेरेसन मानिने टिमले विश्वकप र दुई पटक यूरो च्याम्पियनसिप जित्दा रामोस पनि एक सदस्य थिए।</p>
<p>रामोसले धेरै खेल खेल्नेमा कासिलाससँगै लात्भियाका भिटालिज अस्टाजेभ्सलाई पछि पारेका हुन्। रामोस अब युरोपमा देशका लागि सर्वाधिक खेल खेल्नेमा इटलीको जियानलुजी बफोन (१७६) भन्दा ८ खेलले मात्र पछि छन्।</p>
<p>सर्वाधिक खेल खेल्ने कीर्तिमान भने इजिप्टका अहमेद हसनको नाममा छ। उनले सन् १९९५ देखि २०१२ सम्म इजिप्टका लागि १८४ खेल खेलेका थिए।<br />
</p>
प्रतिक्रिया दिनुहोस्
.jpg)
