रियालले शीर्ष स्थानमा उक्लने मौका गुमायो
<p>काठमाडौं। रियाल बेटिससँग अप्रत्यासित रूपमा स्तब्ध भएपछि रियाल मड्रिडले गएराति स्पेनिस ला लिगाको शीर्ष स्थानमा उक्लने मौका गुमाएको छ।</p>
<p>उपाधि होडमा रहेको बार्सिलोनाले रियाल सोसिडाडलाई १-० ले हराउँदै लिगको शीर्ष स्थानमा उक्लिएको थियो।</p>
<p>जिनेदिन जिदानको रियाललाई पनि शीर्ष स्थानमा उक्लने मौका थियो।</p>
<p>तर, रियाल २-१ ले स्तब्ध बन्यो। यससँगै बासिलोनाले शीर्ष स्थानमा दुई अंकको स्पष्ट अग्रता लिएको छ।</p>
<p>लिगमा २७ खेल सकिँदा बार्सिलोनाको ५८ अंक छ भने रियालको ५६ अंक छ।</p>
<p>बराबरीसँग रियाल बेटिस भने दुई स्थान माथि उक्लिएको छ रियाल बेटिस ३३ अंकका साथ १२ स्थानमा छ।</p>
<p>जुन रेलिगेशन क्षेत्रभन्दा आठ अंकले माथि हो।</p>
<p>मार्क बार्टाले ३०औं मिनेटमा ६ यार्ड बक्सभित्रबाट गरेको हेड आकाशिएको थियो।</p>
<p>नाबिल फेकिरको सशक्त प्रहार रियालका गोलकिपर थिवाउट कोर्तुवाले रोकिदिएका थिए।</p>
<p>४०औं मिनेटमा फेकिरकै पासमा सिडनेइ गोल गर्दै घरेलु टीमलाई अग्रता दिएका थिए।</p>
<p>पहिलो हाफको अन्तिम मिनेटमा करिम बेन्जेमा पेनाल्टीमा बरबरी गोल फर्काए।</p>
<p>तर, खेल सकिन आठ मिनेट बाँकी छँदा क्रिष्टियन टेलोले आन्द्रेस गुएर्डाडोको पासमा गोल गरेपछि रियाल स्तब्ध बनेको थियो।</p>
प्रतिक्रिया दिनुहोस्
.jpg)
