सान्चोको कीर्तिमानमा डर्टमण्डको जित
<p>काठमाडौं। इङ्ल्यान्डका विंगर जाडोन सान्चोले क्लबको कीर्तिमानीसँग बराबरी गरेको दिन बोरुसिया डर्टमण्डले गएराति जर्मन बुन्डेसलिगामा बोरुसिया मोन्चेनग्लाडवाचलाई २-१ ले पराजित गरेको छ।</p>
<p>१९ वर्षे सान्चोले १५ गोलमा अवसर सिर्जना गरेर क्लबको कीर्तिमानी बराबरी गरेका हुन्।</p>
<p>सान्चोले दिएको पासमा आच्रफ हाकिमीले ७१औं मिनेटमा गरेको गोल डर्टमण्डको जितमा निर्णायक बनेको थियो।</p>
<p>यससँगै सान्चोले एकै सिजन १५ गोलमा अवसर सिर्जना गरिदिने हेनरिक मिखितारियनको कीर्तिमानसँग बराबरी गरेका छन्।</p>
<p>अर्मानियाका मिखितारियनले २०१५/१६ को सिजन उक्त कीर्तिमान बनाएका थिए।</p>
<p>डर्टमण्डले थोर्गान हाजार्डको गोलबाट आठौं मिनेटमा अग्रता लिएको थियो।</p>
<p>हाजार्डले अर्लिङ ब्राउट हालान्डको पासमा गोल गरेका हुन्। मोन्चेनग्लाडवाचका लर्स स्टिनडलले ५०औं मिनेटमा बराबरी गोल फर्काएका थिए।</p>
<p>जितसँगै डर्टमण्ड लिगको दोस्रो स्थानमा उक्लिएको छ। डर्टमण्डको ५१ अंक छ।</p>
<p>जुन एक खेल कम खेलेको बायर्न म्युनिखको भन्दा एक अंकले मात्र कम हो भने तेस्रो स्थानमा रहेको आरबी लिपजिगको भन्दा एक अंकले बढी हो।</p>
<p>बायर्नले आज औसबर्गसँग प्रतिस्पर्धा गर्नेछ।</p>
<p>लिपलिगले उल्फसबर्गसँग गोलरहित बराबरी खेलेको थियो।</p>
<p>अन्य खेलमा साल्के र होफिनहेमले १-१ को बराबरी खेल्दा हेर्था बर्लिन र वेर्डर ब्रेमेनले २-२ को बराबरी खेले।</p>
<p>बायर लेभरकुसेनले फ्रांकफर्टमाथि ४-० को नतिजा निकाल्यो। फ्रेइबर्गले युनियन बर्लिनलाई ३-१ ले हरायो।</p>
प्रतिक्रिया दिनुहोस्
.jpg)
