घरेलु मैदानमा आर्सनल स्तब्ध
<p>काठमाडौं। कप्तान पिइरे–इमेरिक औबमेयाङले गोलको राम्रो अवसर सदुपयोग गर्न नसक्दा आर्सनल अप्रत्यासित रूपमा युरोपा लिगको अन्तिम ३२ बाट बाहिरिएको छ।</p>
<p>इङ्लिस क्लब आर्सलन अवे गोलका आधारमा ओलम्पिकोससँग पराजित भएको हो।</p>
<p>५३औं मिनेटमा पपे अबोउ सिसेले गरेको गोलमा ओलम्पिकोसले अग्रता लिएको थियो।</p>
<p>निर्धारित ९० मिनेटको समय समग्रमा १–१ को बराबरी भएपछि खेल थप समयमा धकेलिएको थियो।</p>
<p>थप समय सकिन सात मिनेट बाँकी छँदा औबमेयाङले दर्शनीय गोल गर्दै आर्सनललाई अग्रता दिएका थिए।</p>
<p>तर, अन्तिम मिनेटमा युसफ एल अरबीले गोल गरेपछि ओलम्पिकोस अवे गोलका आधारमा अन्तिम १६ मा स्थान बनाउन सफल भयो।</p>
<p>कसैको निगरानीमा नरहेका औमबेयाङले पेनाल्टी क्षेत्रबाट हानेको प्रहार बाहिरिएको थियो। यससँगै प्रशिक्षक मिकेल अर्टेटाले सन् २०२० मा पहिलो पराजय भोगे।</p>
<p>आर्सनलले ७७ मिनेटसम्म विपक्षी पोष्टमा गतिलो प्रहार गर्न सकेको थिएन।</p>
<p>घरेलु मैदानमा १–० ले पराजित भएको ओलम्पिकोसले इमिरेट्स रंगशालामा २–१ को नतिजा निकाल्दै अन्तिम १६ मा स्थान बनाउन सफल भयो।</p>
<p>‘‘ओलम्पिकोसका लागि आजको रात ऐतिहासिक रह्यो। नतिजा आफ्नो ठाँउमा छ, तर युरोपा लिगमा जारी सिजन हामीले गरेको प्रदर्शनका आधरमा हामी अघिल्लो चरणका हकदार थियौं,’’ आर्सनलका प्रशिक्षक आर्टेटाले भने।</p>
<p><strong>‘क्लबका लागि ठुलो उपलब्धि’</strong></p>
<p>आर्सनलको यात्रामा पूर्णविराम लाग्दा अर्को इङ्लिस क्लब उल्भरह्याम्पटन भने अन्तिम १६ मा स्थान बनाउन सफल भएको छ।</p>
<p>घरेलु टोली स्पानियोलका जोनाथन कालेरीले ह्याट्रिक गरेपछि उल्भरह्याम्पटन ३–२ ले पराजित भए पनि समग्रमा ६–३ को नजिता निकाल्दै अघिल्लो चरण प्रवेश गरेको हो।</p>
<p><img alt="" height="639" src="https://www.dekhapadhi.com/storage/photos/shares/Sports/wolverhamption.jpg" width="960" /></p>
<p>इङ्लिस प्रिमियर लिगको क्लब उल्भरह्याम्पटन घरेलु मैदानमा सम्पन्न पहिलो लेगमा ४–० को नतिजा लिएर बार्सिलोना गएको थियो।</p>
<p>कालेरीले १६औं मिनटमा गरेको गोलमा स्पानियोलले अग्रता लिएको थियो। २२औं मिनेटमा उल्भरह्याम्पटनका एडमा ट्राउरेले बराबरी गोल फर्काए।</p>
<p>कालेरीले ५७औं मिनेटमा गरेको गोलमा स्पानियोलले पुनः अग्रता लियो। ७९औं मिनेटमा म्याट डोहार्टीले फेरी बराबरी गोल फर्काए।</p>
<p>अन्तिम मिनेटमा कालेरीले ह्याट्रिक गरे पनि टीमलाई अघिल्लो चरण पुर्याउन भने सकेनन्।</p>
<p>‘‘खेलाडीको प्रदर्शनबाट मलाई गर्व लागेको छ,’’ उल्भरह्याम्पटनका प्रशिक्षक नुनो स्प्रिटोले भने, ‘‘क्लबका लागि यो ठुलो उपलब्धि हो। हामी खुसी छौं र यो यात्रालाई निरन्तरता दिनेछौं। कडा मिहिनेत गर्नेछौं।’’</p>
<p>उल्भरह्याम्पटन युरोपियन प्रतियोगिताको अन्तिम १६ स्थान बनाउन सफल भएको सन् १९७१/७२ को सिजन यो पहिलो पटक हो।</p>
<p>१९७१/७२ को सिजन उल्भरह्याम्पट युइएफए कपको फाइनलमा पुगेको थियो।</p>
<p><strong>अन्य खेल</strong></p>
<p>गएराति नै सम्पन्न अन्य खेलमा इटालियन क्लब इन्टर मिलानले लुडोगोरेट्ज राजग्राडलाई २–१ ले हराउँदै समग्रमा ४–१ को नतिजासहित अन्तिम १६ मा स्थान बनायो।</p>
<p>स्पेनिस क्लब सेभियाले सिएफआर क्लुजसँग गोलरहित बराबरी खेले पनि अवे गोलका आधारमा अन्तिम १६ मा स्थान बनाउन सफल भयो। सेभियाले अवे खेलमा १–१ को बराबरी खेलेको थियो।</p>
<p><img alt="" height="988" src="https://www.dekhapadhi.com/storage/photos/shares/Sports/game 16 fagun.jpg" width="960" /></p>
<p>साख्तर डोनेक्सले बेनफिकासँग ३–३ को बराबरी खेले पनि समग्रमा ५–४ को नतिजा निकाल्दै अन्तिम १६ मा स्थानमा बनायो।</p>
<p>आयाक्स भ्रमणमा रहेको गेटाफे २–१ ले पराजत भए पनि समग्रमा ३–२ को नतिजासहित अन्तिम १६ मा स्थान बनायो।</p>
<p> </p>
प्रतिक्रिया दिनुहोस्
.jpg)
