एपीएफ क्लब सुदुरपश्चिम खप्तड गोल्डकपको सेमिफाइनलमा
<p>कैलाली। विभागीय टीम एपीएफ क्लब धनगढीमा जारी सुदुरपश्चिम खप्तड गोल्डकप फुटबलको सेमिफाइनलमा प्रवेश गरेको छ।</p>
<p>कैलालीको धनगढी रंगशालामा आज भएको क्वाटरफाइनलमा साविक विजेता नेपाल पुलिस क्लबलाई टाइब्रेकरमा ४-३ गोल अन्तरले पराजित गर्दै एपीएफ अन्तिम चारमा पुगेको हो।</p>
<p>निर्धारित ९० मिनेटको समय गोलरहित बराबरीमा सकिएपछि खेल टाइब्रेकरमा गएको थियो। टाइब्रेकरमा एपीएफका सुदीप शिखाकार, आशिष लामा, प्रविन स्याङतान र दिनेश राजवंशीले गोल गरे। </p>
<p>पुलिसका सौजन राई याक्खा, तेज तामाङ र बुद्ध बल तामाङले मात्र गोल गरे।</p>
<p> </p>
प्रतिक्रिया दिनुहोस्
.jpg)
