सिटीको उत्कृष्ट पुनरागमन, च्याम्पियन्स लिगमा रियालमाथि पहिलो जित
<p>काठमाडौं। उत्कृष्ट पुनरागमन गरेको म्यानचेस्टर सिटीले गएराति च्याम्पियन्स लिगको अन्तिम १६ को पहिलो लेगमा रियाल मड्रिडविरुद्ध २-१ को नतिजा निकालेको छ।</p>
<p>भ्रमणकारी सिटीले एक शुन्यले पछि परेको स्थिति उल्टाउँदै महत्वपुर्ण अवे जित हात पारेको हो।</p>
<p>रियालले ६०औं मिनेटमा इस्कोको गोलबाट अग्रता लिएको थियो।</p>
<p>रोड्री र निकोलस ओटामेन्डीबीच तालमेल नहुँदाको फाइदा लिँदै भिनियस जुनियरले बल खोसेर दिएको पासमा इस्कोले गोल गरेका थिए।</p>
<p>लगत्तै सिर्जियो रामोसले टोलीको अग्रता दोब्बर बनाउने मौका गुमाए।</p>
<p>७८औं मिनेटमा गाब्रियल जिससले केभिन डी ब्रुयनाको पासमा बराबरी गोल फर्काए। खेल सकिन सात मिनेट बाँकी रहँदा सिटीले पेनाल्टी अवसर पायो। जसलाई डी ब्रुयनाले कुनै गल्ति नगरी गोलमा परिणत गरे।</p>
<p>रियालका रक्षक ड्यानियल कार्भाहालले रहिम स्टर्लिङलाई पेनाल्टी क्षेत्रमा फाउल गरेपछि सिटीले पेनाल्टी अवसर पाएको थियो।</p>
<p>खेल सकिन ६ मिनेट बाँकी छँदा कप्तान रामोसले रातो कार्डको सामना गरेपछि रियालले बाँकाी समय दश खेलाडीमा खेलेको थियो।</p>
<p>च्याम्पियन्स लिगमा सिटीले रियाललाई पराजित गरेको यो पहिलो पटक हो।</p>
<p>यससँगै सिटीले क्वार्टरफाइलनको यात्रा बलियो बनाएको छ। सिटीले अब दोस्रो लेग १७ मार्चमा मैदान इतिहाद रंगशालामा खेल्नेछ।</p>
<p>च्याम्पियन्स लिग खेलमा रियालले घरेलु मैदानमा अग्रता लिएर पनि पराजित भएको यो दोस्रो पटक हो। यसअघि अक्टुबर २००९ मा रियाल एसी मिलानसँग पराजित भएको थियो। </p>
<p>एक महीनाअघि अर्को दुई सिजन युरोपियन प्रतियोगितामा प्रतिबन्धमा परेको सिटीको समर्थकका लागि यो जित निकै महत्वपूर्ण रह्यो।</p>
<p>क्लबले युइएफएको यस निर्णयविरुद्ध कासमा अपिल गरेको छ।</p>
<p>तर, रक्षक लापोर्टेको चोट भने सिटीका लागि चिन्ताको चिन्ताको विषय बनेको छ।</p>
<p>लापोर्टे घाइते भएपछि पहिलो हाफमै मैदान छाडेका थिए। उनको स्थानमा फर्नाडिन्हो मैदान छिरेका थिए।</p>
प्रतिक्रिया दिनुहोस्
.jpg)
