न्युजिल्यान्डसँग भारतको लज्जास्पद हार
<p>काठमाडौं। टीम साउथीले बिहान चार विकेट लिएपछि भारतले दोस्रो इनिङमा १९१ रन जोड्दा सबै विकेट गुमायो।</p>
<p>त्यसपछि पाएको नौ रनको लक्ष्य न्युजिल्यान्डले विनाविकेट क्षति पूरा गर्‍यो।</p>
<p>दश विकेटको जितसँगै न्युजिल्यान्डले दुई खेलको शृंखलामा १-० को अग्रता लिएको छ।</p>
<p>भारतले १४४-४ को स्थितिबाट चौथो दिनको शुरूआत गरेको थियो।</p>
<p>अजिन्क्या रहाने २५ तथा हनुमा विहारी १५ रनको अवस्थामा थिए। भारतले थप ४७ रन जोड्दा सबै विकेट गुमायो।</p>
<p>रहानेले थप चार जोड्दा ट्रेन्ट बोल्टको बलमा विकेटकिपर विजे वाटलिङमार्फत क्याच भए। बिहारीलाई साउथीले बोल्ड गरे।</p>
<p>चार रन बनाएका रविचन्द्र आश्विनलाई पनि साउथीले एलबिडब्यू आउट गरे।</p>
<p>१२ रन बनाएका इशान्त शर्मालाई कोलिन डी ग्राण्डहोमले एलबिडब्यू आउट गरे।</p>
<p>२५ रन बनाएका रिशब पन्तलाई बोल्टमार्फत क्याच गरेका साउथीले जसप्रित बुमराहलाई डिजे मिचेलमार्फत क्याच गरे।</p>
<p>साउथीले दोस्रो इनिङमा ६१ रन दिएर पाँच विकेट लिए।</p>
<p>उनले पहिलो इनिङमा पनि चार विकेट लिएका थिए। पहिलो इनिङमा एक विकेट लिएका बोल्टले दोस्रो इनिङमा चार विकेट लिए।</p>
<p>दोस्रो इनिङमा १९१ रन बनाएको भारतले पहिलो इनिङमा १६५ रन बनाएको थियो।</p>
<p>पहिलो इनिङमा ३४८ रन बनाएको न्युजिल्यान्डले ९ रनको लक्ष्य पायो। जुन दश बल खेलेर पुरा गर्‍यो।</p>
प्रतिक्रिया दिनुहोस्
.jpg)
