दक्षिण अफ्रिकाद्वारा अस्ट्रेलिया पराजित
<p>काठमाडौं। क्विन्टन डी ककको अर्धशतक तथा लुङ्गी एनगिडीको तीन विकेट प्रेरित दक्षिण अफ्रिकाले गएराति अस्ट्रेलियाविरुद्धको दोस्रो ट्वान्टी-२० अन्तर्राष्ट्रिय क्रिकेटमा १२ रनको विजय हासिल गरेको छ।</p>
<p>पोर्ट एलिजावेथको सेन्ट जर्ज पार्कमा टस जितेर ब्याटिङ गरेको दक्षिण अफ्रिकाले निर्धारित २० ओभरमा चार विकेट गुमाएर १५८ रन बनाएको थियो।</p>
<p>१५९ रनको लक्ष्य पछ्याएको अस्ट्रेलियाले ६ विकेट गुमाएर १४६ रन मात्र बनाउन सक्यो।</p>
<p>जितसँगै दक्षिण अफ्रिकाले तीन खेलको ट्वान्टी-२० अन्तर्राष्ट्रिय शृंखलामा १-१ को बराबरी गरेको छ।</p>
<p>पहिलो खेलमा अस्ट्रेलिया १०७ रनले विजयी भएको थियो।</p>
<p>घरेलु टोलीका कप्तान डी ककले ४७ बलमा पाँच चौका र चार छक्कासहित ७० रन बनाए।</p>
<p>रिजा हेनड्रिक्सले १४, फाफ डु प्लेसिसले १५ र रसी भान डेर डुसानले ३७ रन बनाए।</p>
<p>डेबिड मिल्नर ११ तथा पिट भान विलजोन ७ रनमा अविजित रहे।</p>
<p>अस्ट्रेलियाका केन रिचर्डसनले दुई विकेट लिँदा पेट कुमिन्स र एडम जम्पाको नाममा एक/एक विकेट रह्यो।</p>
<p>१५९ रनको लक्ष्य पछ्याएको अस्ट्रेलियाका ओपनर डेबिड वार्नरले ६७, स्टिभ स्मिथले २९ तथा एरोन फिन्च र एलेक्स क्यारीले समान १४ रन जोड्नुबाहेक अन्यले दोहोरो अंकमा रन बनाउन सकेनन्।</p>
<p>दक्षिण अफ्रिकाका एनगिडीले चार ओभरमा ४१ रन दिएर तीन विकेट लिए।</p>
<p>कागिसो राबडा, एनरिच नोर्टजे र ड्वानी प्रेटोरियसको नाममा एक एक विकेट रह्यो।</p>
प्रतिक्रिया दिनुहोस्
.jpg)
