जिससको गोलमा सिटीको जित
<p>काठमाडौं। गाब्रियल जिससले खेल सकिन दश मिनेट बाँकी छँदा गरेको गोलमा साविक विजेता म्यानचेस्टर सिटीले लेस्टर सिटी भ्रमणमा १-० को नतिजा निकालेको छ।</p>
<p>६२औं मिनेटमा सर्जियो अग्विरोले पेनाल्टीमा गोल गर्न चुक्दा सिटीले अग्रता लिने राम्रो मौका गुमाएको थियो।</p>
<p>तर, बैकल्पिक खेलाडी जिससले ८०औं मिनेटमा गरेको गोल सिटीको जितमा निर्णायक बन्यो।</p>
<p>जिसस ७७औं मिनेटमा अग्विरोको स्थानमा मैदान छिरेका थिए। मैदान छिरेको तीन मिनेटपछि उनले रियाद महारेजको पासमा गोल गरेका हुन्।</p>
<p>युइएफएले युरोपियन फुटबलमा दुई वर्षका लागि प्रतिबन्ध लगाएपछि सिटीको यो लगातार दोस्रो जित हो।</p>
<p>सिटीको २७ खेलबाट ५७ अंक छ भने लेस्टरको ५० अंक छ।</p>
<p>त्यसअघि साउथह्याम्पटनले एस्टन भिल्लालाई २-० ले हरायो भने छैटौं स्थानको सेफिल्ड युनाइेड ब्राइटनसँग १-१ को बराबरीमा रोकियो।</p>
<p>न्युक्यासल क्रिष्टल प्यालेससँग १-० ले पराजित भयो। बर्नलीले बर्नमाउथलाई ३-० ले हरायो।</p>
प्रतिक्रिया दिनुहोस्
.jpg)
