रियालको अप्रत्यासित हार, मेसीको ह्याट्रिकमा बार्सिलोनाको सहज जित
<p>काठमाडौं। स्पेनिस महारथी रियाल मड्रिड गएराति स्पेनिस ला लिगमा लेभान्टेसँग १-० ले पराजित भएको छ।</p>
<p>गत अक्टोबरपछि पहिलो हार बेहोरेको रियाल दोस्रो स्थानमा झरेको छ।</p>
<p>अर्को आइतबार रियाल भ्रमणमा निस्कने बार्सिलोनाले चाडो गरी भएको खेलमा इबरमाथि ५-० को नतिजा निकाल्दै शीर्ष स्थानमा उक्लिएको थियो।</p>
<p>७ फागुनमा च्याम्पियन्स लिगमा म्यानचेस्टर सिटीविरुद्ध खेल्ने रियालले लेभान्टे भ्रमणमा ७९औं मिनेटमा गोल खाएको थियो।</p>
<p>जोजे लुइस मोरालेसले गरेको गोल रियाललाई पराजित गर्न पर्याप्त भयो।</p>
<p>रियालको २५ खेलबाट ५३ अंक छ। बार्सिलोनाको भने ५५ अंक छ।</p>
<p>बार्सिलोनाको जितमा लियोनल मेसीले चार गोल गरेका थिए। मेसीले १४औं मिनेटमा घरेलु टीमलाई अग्रता दिएका थिए।</p>
<p>३७औं मिनेटमा दोस्रो गोल गरेका मेसीले ४०औं मिनेटमा ह्याट्रिक गरे। खेल सकिन तीन मिनेट बाँकी छँदा मेसीले चौथो गोल थपे।</p>
<p>८९औं मिनेटमा आर्थरले अर्को गोल थपे।</p>
<p>मार्टिन ब्रेथह्वाइटले बार्सिलोनाबाट डेब्यू गरे। इङ्लिस क्लबका मिडल्ब्रोका पूर्व फरवार्ड ब्रेथह्वाइटलाई बार्सिलोनाले जनवरी विन्डोमा अनुबन्ध गरेको थियो।</p>
<p>रियाल सोसिडाडले भ्यालेन्सियालाई ३-० ले हराउँदै चौथो स्थानमा उक्लिएको छ।</p>
<p>सेल्टाभिगोले लेगानेसलाई १-० ले हराउँदा रियाल बेटिस र मालोर्काले ३-३ को बराबरी खेल्यो।</p>
प्रतिक्रिया दिनुहोस्
.jpg)
