१२ मध्ये पाँच खेल जिते लिभरपुलले प्रिमियर लिग जित्ने पक्का
<p>काठमाडौं। इङ्लिस प्रिमियर लिग क्लब लिभरपुल झण्डै तीन दशकपछि पहिलो पटक प्रिमियर लिगको उपाधि उचाल्ने संघारमा पुगेको छ।</p>
<p>गएराति सम्पन्‍न खेलमा नर्विच सिटीलाई १-० ले पराजित गरेपछि लिभरपुलले उपाधि यात्रा थप सहज बनाएको हो।</p>
<p>लिभरपुलको जितमा एक मात्र गोल साडियो मानेले ७८ औं मिनेटमा गरेका थिए।</p>
<p>यो जितसँगै लिभरपुलले लिगका सात खेल बाँकी छँदै उपाधि जित्ने सम्भावना पनि बलियो पारेको छ।</p>
<p>लिभरपुल अहिले ७६ अंकका साथ लिग तालिकाको शीर्ष स्थानमा छ। दोस्रो स्थानको म्यानचेस्टर सिटीको ५१ अंक छ।</p>
<p>लिभरपुलले २६ खेल खेलेको छ भने सिटीले एक खेल कम खेलेको छ।</p>
<p>लिगमा अब लिभरपुलले १२ र सिटीले १३ खेल खेल्न बाँकी छ।</p>
<p>१२ मध्ये पाँच खेल जित्दा लिभरपुलका ९१ अंक हुनेछ।</p>
<p>त्यसैगरी दोस्रो स्थानको सिटीले बाँकी सबै (१३) खेल नै जित्दा पनि उसको ९० अंक मात्र हुनेछ।</p>
<p>यो हिसाबले अब बाँकी १२ मध्ये पाँच खेलमा जित्दा पनि लिग उपाधि लिभरपुलको हुनेछ।</p>
प्रतिक्रिया दिनुहोस्
.jpg)
