आइसीसी क्रिकेट विश्वकप लिग–२: अमेरिकाद्वारा ओमानसामु २१४ रनको लक्ष्य
<p>काठमाडौं। इयान होल्यान्डको अर्धशतकप्रेरित अमेरिकाले आज आइसीसी क्रिकेट विश्वकप लिग–२ को त्रिकोणात्मक शृंखलामा ओमानलाई २१४ रनको लक्ष्य दिएको छ। </p>
<p>कीर्तिपुरस्थित क्रिकेट मैदानमा टस हारेर ब्याटिङका लागि निम्त्याइएको अमेरिकाले ५० ओभरमा सबै विकेट गुमाएर २१३ रन बनाएको हो।</p>
<p>अमेरिकाले शुरूका चार विकेट चाँडै गुमाए पनि होल्यान्ड र अक्षय होमराजले पाँचौं विकेटका लागि ८२ रनको साझेदारी गर्दै अमेरिकाको इनिङ उकासे। </p>
<p>होल्यान्डले ७८ बलमा सात चौकासहित ६५ रन बनाए। अक्षयले ५३ बलमा तीन चौका र दुई छक्कासहित ४४ रन बनाए। मोनाक पटेलले १९, तिमिल पटेलले १६, जेभियर मार्सलले १३, कप्तान सौरभ नेत्रभाल्करले अविजित १४ र एरोना जोन्सले १२ रन जोडे।</p>
<p>ओमानका मोहम्मद नादीमले तीन विकेट लिए भने अकिब इलियास, जीशन मकसूद र बलिल खानले समान दुई विकेट लिए। कालिमुल्लाहको नाममा एक विकेट रह्यो। </p>
<p>नेपालमा जारी त्रिदेशीय शृंखलाको पहिलो खेलमा ओमानले नेपाललाई १८ रनले पराजित गरेको थियो। जारी शृंखलामा अमेरिकाको यो पहिलो खेल हो। </p>
प्रतिक्रिया दिनुहोस्
.jpg)
