फातीको दुई गोलमा बार्सिलोनाको जित
<p>काठमाडौं। युवा खेलाडी अंशु फातीको दुई गोलमा बार्सिलानाले लेभान्टेलाई पराजित गर्दै शीर्ष क्लब रियाल मड्रिडसँगको दुरी तीन अंकमा छोट्याएको छ।</p>
<p>१७ वर्षे फातीले गरेको गोलमा बार्सिलोनाले ३०औं मिनेटमा अग्रता लिएको थियो।</p>
<p>उनले कप्तान लियोनल मेसीको पासमा विपक्षी एक रक्षकलाई कटाएर हालेको बल विपक्षी गोलकिपर एइटोरले रोक्न सकेनन्।</p>
<p>त्यसको एक मिनेट वित्न नपाउँदै फातीले मेसीकै पासमा अग्रता दोब्बर बनाए।</p>
<p>दोस्रो हाफमा लेभान्टेले सुधारिएको प्रदर्शन गर्‍यो।</p>
<p>तर, पाएका अवसरलाई गोलमा परिणत गर्न सकेन। इन्जुरी समयमा रुबेन रोचिनाले २५ यार्डबाट हानेको ‘हाफ भली’ गोलमा परिणत भएको थियो।</p>
<p>लेभान्टेले घरेलु मैदानमा बार्सिलोनालाई ३-१ ले पराजित गरेको थियो।</p>
<p>तर, लेभान्टेले नोउ क्याम्पमा भने बार्सिलोनासँग अंक लिन सकेको छैन।</p>
प्रतिक्रिया दिनुहोस्
.jpg)
