युभेन्टसमाथि इन्टरको दबाब कायमै
<p>काठमाडौं। रोमेलु लुकाकुले दुई गोल गरेपछि इन्टर मिलानले गएराति युडिनेसलाई २-० ले हराएको छ।</p>
<p>जितसँगै इन्टरले शीर्ष क्लब युभेन्टसमाथिको दबाब कायमै राखेको छ।</p>
<p>इन्टर मिलान ५१ अंकका साथ दोस्रो स्थानमा छ। जुन युभेन्टसको भन्दा तीन अंकले कम हो।</p>
<p>साविक विजेता युभेन्टसको ५४ अंक छ। युभेन्टसले १९ माघमा चाडो गरी भएको खेलमा फियोरेन्टिनालाई पराजित गरेको थियो।</p>
<p>क्रिष्टियन इरिक्सन, एशले योङ र चेल्सीबाट लोनामा आएका भिक्टर मोसेसले लिगमा इन्टरबाट डेब्यू गरे।</p>
<p>लुकाकुले ६४औं मिनेटमा इन्टरलाई अग्रता दिए भने ७१औं मिनेटमा पेनाल्टीमा अग्रता दोब्बर बनाए।</p>
<p>म्यानचेस्टर युनाइटेडका पूर्वफरवार्ड लुकाकुले लिगमा १६ गोल गरिसकेका छन् भने सबै खाले प्रतियोगितामा इन्टरबाट २० गोल गरिसकेका छन्।</p>
<p>उनले पहिलो गोल निकोलो बारेलाको पासमा गरेका थिए।</p>
<p>दोस्रो गोल भने युनाइटेडबाट लोनका आएका एलेक्सिस सान्चेजलाई जुवान मुसोले फाउल गरेपछि इन्टरले पेनाल्टी अवसर पाएको थियो।</p>
<p>एन्टोनियो कोन्टेको इन्टरले यसअघि लिगका तीन खेलमा १-१ को बराबरी खेलेको थियो।</p>
<p>इन्टरले अर्को साता शहरी प्रतिद्वन्द्वी एसी मिलानलाई आतिथ्य प्रदान गर्नेछ।</p>
प्रतिक्रिया दिनुहोस्
.jpg)
