फर्नान्डेस डेब्यू खेलमा प्रभाव छाड्न असफल
<p>काठमाडौं। ब्रुनो फर्नान्डेस म्यानचेस्टर युनाइटेडबाट डेब्यू खेलमा आफ्नो प्रभाव छाड्न असफल भएका छन्।</p>
<p>चार करोड ७० लाख पाउण्डमा इङ्ल्यान्डमा आएका फर्नान्डेसले डेब्यू गरेको खेलमा युनाइटेडले ओल्ड ट्राफोर्डमा उल्भरह्याम्पटनसँग गोलरहित बराबरी खेलेको छ।</p>
<p>फर्नान्डेसले गोलका लागि गरेका केही प्रयासलाई उनकै देशका रुई प्याट्रिसियोले बचाइदिएका थिए।</p>
<p>अन्तिम मिनेटमा बैकल्पिक खेलाडी डिएगो डालोटको एरोन वान बिसाकाको क्रसमा गरेको हेड थोरैले बाहिरिएपछि तीन अंक लिने युनाइटेडका आश समाप्त भएको थियो।</p>
<p>ओल गनर सोल्सायरको युनाइटेडले पछिल्लो पाँच खेलमा चार अंकमात्र जोड्न सफल भएको छ।</p>
<p>बराबरीसँग युनाइटेड छैटौं स्थानमा झरेको छ। युनाइटेडको ३५ अंक छ।</p>
<p>जुन चौथो स्थानको चेल्सीको भन्दा ६ अंकले कम हो। उल्भरह्याम्पटन सातौं स्थानमा यथावत छ। उल्भरह्याम्पटनको पनि ३५ अंक छ।</p>
<p>गएराति नै क्रिष्टल प्यालेसमाथि १-० को नतिजा निकालेको सेफिल्ड युनाइटेड पाँचौं स्थानमा उक्लिएको छ।</p>
<p>सेफिल्ड युनाइटेडको जितमा भिसेन्टे गुइटाले ५८औं मिनेटामा गरेको आत्मघाती गोल उपहार निर्णायक बन्यो।</p>
<p>कार्लो एन्सेलोटीको एभर्टनले वाटफोर्डलाई ३-२ ले पराजित गर्‍यो।</p>
<p>एभर्टनको जितमा यारी मिनाले दुई तथा थियो वालकटले एक गोल गरे भने वाटफोर्डका लागि एडम मासिना र रोबर्टो पेरेराले एक/एक गोल गरे। </p>
<p>वाटफोर्डले २-० गोलको अग्रता जोगाउन सकेको थिएन।</p>
<p>वेष्ट ह्याम र ब्राइटनले ३-३ को बराबरी खेल्दा न्युक्यास युनाइटेड र नर्विच सिटीले गोलरहित बराबरी खेले।</p>
<p>बर्नमाउथले एस्टन भिल्लालाई १-० ले पराजित गर्‍यो।</p>
प्रतिक्रिया दिनुहोस्
.jpg)
