रियाललाई ६ अंकको अग्रता
<p>काठमाडौं। करिम बेन्जेमाले दोस्रो हाफमा गरेको गोलमा रियाल मड्रिडले गएराति शहरी प्रतिद्वन्द्वी एट्लेटिको मड्रिडलाई पराजित गर्दै स्पेनिस ला लिगाको शीर्ष स्थानमा ६ अंकको स्पष्ट अग्रता लिएको छ।</p>
<p>फ्रान्सका स्ट्राइकर बेन्जेमाले ६ यार्ड बक्सबाट फेरल्यान्ड मेल्डीको क्रसलाई पोष्टको दिशा दिएका थिए।</p>
<p>बेन्जेमाले ५६औं मिनेटमा गरेको त्यही गोल रियालको जितमा निर्णायक बन्यो।</p>
<p>जितसँगै रियालको २२ खेलबाट ४९ अंक भएको छ। जुन दोस्रो स्थानको बार्सिलोनाभन्दा ६ अंकले बढी हो।</p>
<p>बार्सिलोनाले एक खेल कम खेलेको छ। बार्सिलोनाले आज घरेलु मैदानमा लेभान्टेविरुद्ध खेल्नेछ।</p>
<p>मड्रिड डर्बीमा पराजित एट्लेटिको भने पाँचौं स्थानमा छ। एट्लेटिकोले ३६ अंक जोडेको छ।</p>
<p>जिनेदिन जिदानको रियाल २१ खेलमा अपराजित छ भने आठ खेल लगातार जितेको छ।</p>
<p>त्यसमा स्पेनिस सुपर कपमा एट्लेटिकोलाई पेनाल्टीमा हराएको पनि समावेश छ।</p>
<p>पछिल्लो पाँच खेलमा जित हात नपारेको एट्लेटिकोका एन्जेल कोरेयाले हानेको बल पोष्टमा लागेर फर्किएको थियो।</p>
<p>त्यस्तै रियालका बैकल्पिक खेलाडी भिनिसियस जुनियरको दुई प्रयासलाई जोन ओब्लाकले बचाइदिएका थिए।</p>
<p>रियालका प्रशिक्षक जिदानले पूर्ण फिट भए पनि गारेथ बेललाई टोलीमा समावेश गरेनन्।</p>
<p>जनवरी सरूवा बजारमा बेलले रियाल छाड्ने चर्चा पनि अन्तत: उनी स्पेनमै बसे।</p>
प्रतिक्रिया दिनुहोस्
.jpg)
