फर्नान्डेस युनाइटेडमा अनुबन्ध
<p>काठमाडौं। ब्रुनो फर्नान्डेसले म्यानचेस्टर युनाइटेडलाई सफलता र उपाधि दिलाउन आफूले सबै प्रयास गर्ने बताएका छन्।</p>
<p>स्पोर्टिङ लिस्बनका फर्नान्डेस साढे पाँच वर्षका लागि युनाइटेडसँग अनुबन्ध भएका छन्।</p>
<p>२५ वर्षे मिडफिल्डरलाई युनाइटेडले समग्रमा आठ करोड पाउण्डमा अनुबन्ध गरेको हो।</p>
<p>"युनाइटेडबाट खेल्न पाउनु मेरो लागी धेरै खुसिको कुरा हो," पोर्चुगलका फर्नान्डेसले भने।</p>
<p>युनाइटेडका प्रशिक्षक ओले गनर सोल्सायरले फर्नान्डेसको आगमन टीमको लागि उत्साहजनक भएको बताए।</p>
<p>जनवरी खेलााडी सरुवा बजारमा फर्नान्डेस प्रिमियर लिगको सबभन्दा ठूलो नाम हो।</p>
<p>स्पोर्टिङ लिस्बनबाट युनाइटेड आउने क्रिष्टियानो रोनाल्डो, नानी र मार्कोस रोहोपछि उनी अर्का खेलाडी हुन्।</p>
<p>उनले सन् २०२५ सम्मका लागि सम्झौता गरेका छन्।</p>
<p>"क्रिष्टियानोले खेलेदेखी नै मलाई युनाइटेड मन पर्न थालेको थियो। म यो क्लबको ठूलो फ्यान हुँ," फर्नान्डेसले भने, "म यहाँ कडा मेहनत गर्छु। क्लवलाई अझ धेरै सफलता र उपाधि दिलाउनका लागि म सक्दो सबै प्रयास गर्नेछु। समर्थकका लागि यो मेरो बाचा हो।"</p>
<p>फर्नान्डेस २००७ मा साम्पडोरियाबाट ७२ लाख पाउण्डमा स्पोर्टिङ लिस्बनसँग अनुबन्धित भएका थिए।</p>
<p>उनले स्पोर्टिङ लिस्बनबाट १३७ खेलमा ६४ गोल गरेका थिए। उनले २०१८-१९ को सिजन पोर्चुगल कपको उपाधि पनि जितेका थिए।</p>
प्रतिक्रिया दिनुहोस्
.jpg)
