मेसीले बनाए पाँच सय जितको कोशेढुंगा
<p>काठमाडौं। कप्तान लियोनल मेसीले दुई गोल गरेको दिन बार्सिलोनाले लेगानेसमाथि ५-० को नतिजा निकाल्दै कोपा डेल रेको क्वार्टरफाइनलमा स्थान बनाएको छ।</p>
<p>नयाँ प्रशिक्षक क्वेक सेटीनको प्रशिक्षणमा ११ माघमा स्पेनिस ला लिगामा भ्यालेन्सियासँग पराजित भएको बार्सिलोनाले गएराति घरेलु मैदान नोउ क्याम्पमा सहज नतिजा हात पारेको हो।</p>
<p>जितसँगै बार्सिलोनाले ३० पटक उपाधि जितेको कोपा डेल रेको अन्तिम आठमा स्थान बनाएको छ।</p>
<p>घरेलु टोलीले पहिलो हाफमै दुई गोलको अग्रता लिएको थियो।</p>
<p>एन्टोइन ग्रिज्मानको गोलमा बार्सिलोनाले चौथो मिनेटमै अग्रता लियो। २७औं मिनेटमा क्लेमेन्ट लेङलेटले अग्रता दोब्बर बनाए।</p>
<p>दोस्रो हाफमा मेसीले तेस्रो र पाँचौं गोल थपे। यससँगै क्लबमा उनको गोल संख्या ६२३ भएको छ। आर्थरले चौथो गोल गरे।</p>
<p>बार्सिलोनाको जर्सीमा मेसीको यो ५००औं जित हो।</p>
<p>क्लवबाट ५ सयौँ जित पुरा गर्ने मेसी पहिलो खेलाडी हुन्।</p>
<p><img alt="" height="567" src="https://www.dekhapadhi.com/storage/photos/shares/Sports/messi kopa del ray 1_ 17 magh.jpg" width="960" /></p>
<p>यसअघि बार्सिलोनाको जर्सीमा जाभीले ४७६ तथा इनिएस्टाले ४५९औं जित हात पारेका थिए।</p>
<p>बार्सिलोनासँगै ला लिगाको शीर्ष क्लब रियाल मड्रिड, साविक विजेता भ्यालेन्सिया, एथलेटिक बिल्बाओ, भिल्लारियाल, ग्रानाडा, रियाल सोसिडाड र मिरान्डसले पनि अन्तिम आठमा स्थान पक्का गरिसकेका छन्। </p>
<p>सेभियालाई स्तब्ध बनाएको मिरान्डसमात्र स्पेनिस ला लिगाका बाहिरको एक्लो टीम हो।</p>
प्रतिक्रिया दिनुहोस्
.jpg)
