हालेप अस्ट्रेलियन ओपनबाट बाहिरिन्
<p>काठमाडौं। गार्विन मुगुरुजाले अस्ट्रेलियन ओपनको फाइनलमा सोफिया केनिनसँगको भेट पक्का गरेकी छिन्। </p>
<p>उनले चौथो वरियाताकी सिमोना हालेपलाई २-० को सोझो सेटमा पराजित गर्दै फाइनलमा स्थान बनाएकी हुन्।</p>
<p>स्पेनकी २६ वर्षे मुगुरुजाले रोमानियाकी हालेपलाई ७-६ (१०/८), ७-५ को सेटमा नतिजा निकालेकी हुन्।</p>
<p>हालेप दुई पटकको अस्ट्रेलियन ओपन विजेता खेलाडी हुन्। </p>
<p>“फाइनलमा स्थान बनाउँन पाउँदा म उत्साहित छु। मैले अझै लामो यात्रा तय गर्नु पर्नेछ र शनिबार अर्को एक खेल बाँकी छ,” जितपछि मुगुरुजाले भनिन्, “हालेपविरुद्ध खेल्नु निकै कठिन हुन्छ।</p>
<p>मैले यहाँ उनीविरुद्ध सम्पूर्ण शक्ति खर्च गरेँ।”</p>
<p>मुगुरुजाले अब अमेरिकाकी सोफिया केनिनसँग उपाधिका लागि प्रतिस्पर्धा गर्नेछिन्।</p>
<p>सोफियाले आजै पहिलो सेमिफाइनलमा शीर्ष वरियाताकी एशले बार्टीलाई पराजित गर्दै फाइनलमा स्थान बनाएकी हुन्।</p>
प्रतिक्रिया दिनुहोस्
.jpg)
