रियाल कोपा डेल रेको क्वार्टरफाइनलमा
<p>काठमाडौं। रियाल मड्रिडले गएराति रियाल जारागोजामाथि ४-० को सहज विजय हासिल गर्दै कोपा डेल रेको अन्तिम आठमा स्थान बनाएको छ।</p>
<p>रियालले राफायल भरानको गोलबाट छैटौं मिनेटमै अग्रता लिएको थियो।</p>
<p>भरानले टोनी क्रुसको क्रसलाई पोष्टको दिशा दिएका थिए।</p>
<p>३२औं मिनेटमा लुकास भाजक्वेजले अग्रता दोब्बर बनाए। भाजक्वेजले पनि क्रुसकै पासमा गोल गरेका थिए।</p>
<p>७२औं मिनेटमा भिनसियस जुनियरले अर्को गोल थपे। उनले जेम्स रोडरिग्वेजको पासलाई पोष्टको दिशा दिएका हुन्।</p>
<p>खेल सकिन दश मिनेट बाँकी छँदा बैकल्पिक खेलाडी करिम बेन्जेमाले अर्को गोल थपेपछि रियालले सहज जित निकालेको हो।</p>
<p>बेन्जेमा ७३औं मिनेटमा लुका जोभिचको स्थानमा मैदान छिरेका थिए।</p>
<p>कोपा डेल रेको अन्यमा रियाल सोसिडाडले ओसासुनालाई ३-१ ले पराजित गर्‍यो।</p>
<p>ग्रानाडाले सिडी बाडाजोजलाई ३–२ ले पराजित गर्‍यो।</p>
प्रतिक्रिया दिनुहोस्
.jpg)
