इरिक्सनको डेब्यूमा इन्टरको जित
<p>काठामाडौं। क्रिष्टियन इरिक्सनले डेब्यू गरेको खेलमा इन्टर मिलानले गएराति फियोरेन्टिनालाई २-१ ले हराउँदै कोपा इटालियाको सेमिफाइनलमा स्थान बनाएको छ।</p>
<p>डेनमार्कका मिडफिल्डर इरिक्सन १४ माघमा मात्र इङ्लिस क्लब टोटेनह्यामबाट झन्डै एक करोड ६९ लाख पाउण्डमा इन्टरसँग अनुबन्ध भएका थिए।</p>
<p>उनी दोस्रो हाफमा बैकल्पिक खेलाडीका रूपमा मैदान छिरेका थिए। उनले ६६औं मिनेटमा एलेक्सिस सान्चेजलाई प्रतिस्थापन गरेका थिए।</p>
<p>त्यसअघि एन्टोनियो क्यान्ड्रेभाको गोलमा इन्टरले ४४औं मिनेटमा अग्रता लिएको थियो।</p>
<p>६०औं मिनेटमा फियोरेन्टिनाका मार्टिन क्यासरेसले बराबरी गोल फर्काए।</p>
<p>त्यसको सात मिनेट नवित्दै निकोलो बारेल्लाले गरेको गोल इन्टरको जितमा निर्णायक बन्यो।</p>
<p>चेल्सी बाँकी सिजनका लागि लोनमा आएका भिक्टर मोसेस पनि दोस्रो हाफमा मैदान छिरे।</p>
<p>इन्टरले अब फाइनल प्रवेशका लागि नेपोलीसँग प्रतिस्पर्धा गर्नेछ।</p>
<p>अर्को सेमिफाइनलमा युभेन्टस र एसी मिलानलले प्रतिस्पर्धा गर्नेछन्।</p>
प्रतिक्रिया दिनुहोस्
.jpg)
