एफए कप: चेल्सीद्वारा हलसिटी पराजित
<p>काठमाडौं। मिचे बात्सुयी र फिकायो तोमोरीको गोलमा चेल्सीले गएराति च्याम्पियनसिपको क्लब हलसिटीलाई २-१ ले हराउँदै एफए कपको पाँचौ चरणमा स्थान बनाएको छ। </p>
<p>चेल्सीले छैटौं मिनेटमै बात्सुयीको गोलबाट अग्रता लिएको थियो।</p>
<p>बात्सुयीले हानेको प्रहार हल सिटीको रायन टाफाजोलीलाई लागेर गोलमा परिणत भएको थियो।</p>
<p>त्यसपछि चेल्सीले पहिलो हाफ खेल नियन्त्रणमा राख्यो।</p>
<p>हल सिटीका गोलकिपर जर्ज लङले निरन्तर उत्कृष्ट बचाउ गरे।</p>
<p>हल सिटीले पनि पाएका केही राम्रा अवसरलाई सदुपयोग गर्न सकेन। हार्बीले केनले फ्रिकिकलाई पोष्टको दिशा दिन सकेनन्।</p>
<p>जारोड बोवेनले सुन्दर मौका खेर फाले। उनले चेल्सीको रक्षापंक्तिलाई कटाएर हानेको प्रहार थोरैले आकाशिएको थियो।</p>
<p>चेल्सीले दोस्रो हाफमा अर्को गोल थप्यो। रोस बार्कलीको फ्रिकिकमा तोमोरीले हेडमार्फत पोष्टको दिशा दिए।</p>
<p>चेल्सीका पेड्रोले हानेको प्रहार फ्रेममा पर्न सकेन।</p>
<p>७८औं मिनेटमा कामिल ग्रोसिकीले फ्रिकिकमा गोल गरेपछि हलसिटी खेलमा पुनरागमन गर्ने संकेत गरको थियो। तर, घरेलु टोली सफल भएन।</p>
<p>गएराति सम्पन्न अन्य खेलमा जोजे माउरिन्होको टोटेनह्यामले साउथह्याम्पटनसँग १-१ को बराबरी खेल्यो।</p>
<p>वेष्ट ह्याम वेष्ट ब्रोमसँग १-० ले पराजित भयो।</p>
<p>प्रिमियर लिगको क्लब सेफिल्ड युनाइटेडले मिलवाललाई २-० ले हरायो।</p>
<p>न्युक्यास युनाइटेड अक्फोर्ड युनाइटेडसँग गोलरहित बराबरीमा रोकियो।</p>
<p>नर्विच सिटीले बर्नलीलाई २-१ ले पराजित गर्‍यो।</p>
प्रतिक्रिया दिनुहोस्
.jpg)
