बार्सिलाेना भ्यालेन्सियासँग पराजित
<p>काठमाडौं। क्वेक सेटीनले बार्सिलोनाको प्रशिक्षण सम्हालेपछि पहिलो हार बेहोरेका छन्।</p>
<p>सेटीनको बार्सिलोना भ्यालेन्सियासँग २–० ले स्तब्ध भएको हो।</p>
<p>भ्यालेन्सियाले बार्सिलोनालाई २००७ पछि पहिलो पटक घरेलु मैदानमा पराजित गरेको छ।</p>
<p>घरेलु टोलीले ७७औं मिनेटमा अग्रता लिएको थियो।</p>
<p>म्याक्सिमिलियानो गोमेजले हानेको सशक्त प्रहार बार्सिलोनाका रक्षक जोर्डी अल्बालाई लागेर गोलमा परिणत भएको थियो।</p>
<p>गोमजले शुरूमै पाएको पेनाल्टी अवसर खेर फालेका थिए।</p>
<p>उनले हानेको प्रहार बार्सिलोनाका गोलकिपर मार्क–आन्द्रे टेर स्टेगनले बचाइदिएका थिए।</p>
<p>खेल सकिन १३ मिनेट बाँकी छँदा गोमेजले अर्को गोल थप्दै घरेलु समर्थकलाई खुसी बनाएका थिए।</p>
<p>सेटीनले बार्सिलोनाको प्रशिक्षकमा सुखद शुरूआत गरेका थिए।</p>
<p>स्पेनिस ला लिगामा ग्रानाडालाई पराजित गरेको बार्सिलोनाले कोपा डेल रेमा युडी इबिजालाई पराजित गरेको थियो।</p>
<p>बल पोसेसन राम्रो राखे पनि बार्सिलोनाको अग्रपंक्तिले भ्यालेन्सियाको रक्षापंक्ति तोड्न सकेन।</p>
<p>अन्तिम समयमा भ्यालेन्सियाका रक्षक गाब्रियल पउलिष्टाले गरेको गोललाई मान्यता नदिएपछि घरेलु टोलीले अग्रता बढाउने मौका गुमायो।</p>
<p>अब दोस्रो स्थानको रियाल मड्रिडले आइतबार रियाल भालाडोलिडलाई पराजित गरे शीर्ष स्थानमा उक्लदै तीन अंकको स्पष्ट अग्रता लिनेछ।</p>
<p>जितसँगै भ्यालेन्सिया ३४ अंकका साथ पाँचौं स्थानमा छ।</p>
प्रतिक्रिया दिनुहोस्
.jpg)
