नेपकम्स अन्तरकलेज फुटसल प्रतियोगिता हुँदै
<p>काठमाडौं। १५-१६ माघमा नेपकम्स अन्तरकलेज फुटसल प्रतियोगिता हुने भएको छ।</p>
<p>बालुवाटारस्थित ढुकु फुटसल हबमा प्लान अन परफेक्सनले आयोजना गर्ने प्रतियोगितामा देशभरका ३२ वटा कलेजले सहभागिता जनाउने बताइएको छ।</p>
<p>मुख्य प्रायोजक नेपकम्स सर्भिसेज रहेको प्रतियोगितामा टेन प्लस टु र ब्याचलर लेभलका विद्यार्थीले सहभाभागिता जनाउँनेछन्।</p>
<p>सहभागी टोलीलाई ८ समूहमा विभाजन गरिनेछ। जसअनुसार प्रतियोगिताका समूह चरणका खेल राउन्ड रोविनको आधारमा र त्यसपछिका खेल नकआउट हुने आयोजकले जानकारी दिएको छ।</p>
<p>आयोजकका अनुसार हरेक खेल २० मिनेटको हुनेछ र हरेक टीमले समूह चरणमा कम्तिमा ३ खेल खेल्नेछन्।</p>
<p>दुईदिने यो प्रतियोगिताको विजेताले नगद ५० हजार रूपैयाँसहित ट्रफि, मेडल र सर्टिफिकेट, दोस्रो हुनेले नगद २० हजार रूपैयाँसहित ट्रफि, मेडल र सर्टिफिकेट र तेस्रो हुनेले नगद १० हजार रूपैयाँ प्राप्त गर्नेछन्।</p>
<p>यसका साथै प्रतियोगितामा उत्कृष्ट प्रदर्शन गर्ने एक खेलाडी, उच्च गोलकर्ता तथा उत्कृष्ट गोलकिपरले पनि आकर्षक गिफ्ट ह्याम्पर प्राप्त गर्नेछन्।</p>
प्रतिक्रिया दिनुहोस्
.jpg)
