एनभीए महिला तथा पुरुष भलिबलको फाइनल आज
<p>काठमाडौं। साविक विजेता त्रिभुवन आर्मी क्लब एनभीए राष्ट्रिय क्लब महिला तथा पुरुष भलिबल प्रतियोगिताको सेमिफाइनलबाटै बाहिरिएको छ।</p>
<p>त्रिपुरेश्वरस्थित राष्ट्रिय खेलकुद परिषद्(राखेप)को कभर्ड हलमा सम्पन्न पुरुषतर्फको ९ माघको पहिलो सेमिफाइनलमा त्रिभुवन आर्मी अर्को विभागीय क्लब एपीएफसँग पराजित भएको हो।</p>
<p>त्रिभुवन आर्मीलाई एपीएफले २५-२२, २५-२२, २६-२४ को सोझो सेटमा पराजित गरेको थियो।</p>
<p>एपीएफले अब उपाधिका लागि हेल्प नेपाल स्पोर्टस् क्लबसँग प्रतिस्पर्धा गर्ने छ।</p>
<p>तीन भारतीय खेलाडी र भारतीय सेनाका नेपाली खेलाडी सम्मिलित हेल्प नेपालले नेपाल पुलिस क्लबलाई २५-२१, २५-१६, २५-१५ को सोझो सेटमा हराउँदै फाइनलमा स्थान बनाएको छ।</p>
<p>हेल्प नेपाल अघिल्लो संस्करणमा सहभागी हुने भनिए पनि खेलाडी विवादका कारण अन्तिम समयमा खेलेको थिएन।</p>
<p>महिलातर्फ भने एपीएफ र न्यू डायमण्डले फाइनलमा स्थान बनाएका छन्।</p>
<p>महिलातर्फको फाइनल खेल आज दिउँसो २ बजे हुनेछ भने पुरुषतर्फको फाइनल खेल अपरान्ह ४ बजे हुने आयोजक नेपाल भलिबल संघले जनाएको छ।</p>
<p> </p>
प्रतिक्रिया दिनुहोस्
.jpg)
