एट्लेटिको कोपा डेल रेबाट बाहिरियो
<p>काठमाडौं। स्पेनिस ला लिगाको उपाधि दाबेदार क्लब एट्लेटिको मड्रिड गएराति कोपा डेल रेमा तेस्रो श्रेणाीको क्लब कल्चरल लियोनासँग पराजित हुदै प्रतियोगिताबाट बाहिरिएको छ।</p>
<p>तीस मिनेट थप गरिएको समयमा सर्जियो बेनिटोले भलीमा उत्कृष्ट गोल गरेपछि एट्लेटिको प्रतियोगिताको अन्तिम ३२ बाटै बाहिरिएको हो।</p>
<p>२०११ पछि एट्लेटिको तल्लो श्रेणीको क्लबसँग पराजित भएको यो पहिलो हो।</p>
<p>एन्जेल कोरेराको गोलका एट्लेटिकोले ६२औं मिनेटमा अग्रता लिएको थियो।</p>
<p>तर, डिएगो सिमोनीको टीमले त्यसलाई जोगाउन सकेन।</p>
<p>जुलेन कास्टानाडेले ८३औं मिनेटमा बराबरी गोल फर्काएपछि निर्धारित ९० मिनेट १–१ को बराबरीमा रोकिएको थियो।</p>
<p>थप समयको १८औं मिनेटमा बेनिटोले गरेको गोल कल्चरल लियोनाको जितमा निर्णायक बन्यो।</p>
<p>एट्लेटिकोको यो लगातार तेस्रो हार हो।</p>
<p>ला लिगामा इबरसँग २–० ले पराजित भएको एट्लेटिको स्पेनिस सुपर लिगमा रियाल मड्रिडसँग टाइब्रेकरमा ४–१ ले पराजित भएको थियो।</p>
<p>अघिल्लो दिन एट्लेटिकोका पूर्वस्ट्राइकर एन्टोइन ग्रिज्मानले अन्तिम समयमा गरेको दुई गोलमा बार्सिलोनाले तेस्रो श्रेणीको युडी इबिजासँगको सम्भावित हार टारेको थियो।</p>
प्रतिक्रिया दिनुहोस्
.jpg)
