लिभरपुलको उपाधि यात्रा झनै बलियो, १६ अंकको अग्रता
<p>काठमाडौं। इङ्लिस प्रिमियर लिगमा तीस वर्षपछि उपाधि यात्रालाई बलियो बनाउने क्रममा लिभरपुलले गएराति उल्भरह्याम्पटनलाई २–१ ले हराएको छ।</p>
<p>जितसँगै लिभरपुलले शीर्ष स्थानमा १६ अंकको अग्रता लिएको छ।</p>
<p>लिगमा लिभरपुलको २३ खेलमा यो २२औं जित हो। रोबर्टो फिर्मिनोले खेल सकिन ६ मिनेट बाँकी रहँदा गरेको गोल नै लिभरपुलको जितमा निर्णायक बन्यो।</p>
<p>जितसँगै लिभरपुल तीस वर्षपछि प्रिमियर लिगको उपाधि नजिक छ।</p>
<p>लिभरपुलका कप्तान जोर्डन हेन्डरसनले आठौं मिनेटमा टिमलाई अग्रता दिएका थिए।</p>
<p>उनले ट्रेन्ट अलेक्जेन्डर आर्नोल्डको कर्नरलाई हेडमार्फत पोष्टको दिशा दिएका थिए।</p>
<p>५१औं मिनेटमा राउल जिमेनेजले बराबरी गोल फर्काए। उनले अडामा ट्रोर क्रसलाई हेडमार्फत गोल गरे।</p>
<p>लिभरपुलले ५ डिसेम्बरमा एभर्टनविरुद्धको खेलपछि प्रिमियर लिगको गोल खाएको यो पहिलो हो।</p>
<p>सडियो मानेले मशलमा चोट लागेपछि पहिलो हाफमै मैदान छाडेका थिए।</p>
<p>लिभरपुल प्रिमियर लिगको ४० खेलमा अपराजित छ।</p>
<p>लिभरपुलले २३ खेलबाट ६७ अंक जोडेको छ। दोस्रो स्थानको म्यानचेस्टर सिटीभन्दालेल ५१ अंक जोडेको छ।</p>
<p>अझै सिटीले एक खेल बढी खेलेको छ। उल्भरह्याम्पटन भने ३४ अंकका साथ सातौं स्थानमा छ।</p>
<p>जुन चौथो स्थानको चेल्सीभन्दा ६ अंकले पछाडि हो।</p>
प्रतिक्रिया दिनुहोस्
.jpg)
