ग्रिज्मानको गोलमा बार्सिलोनाको संघर्षपूर्ण जित
<p>काठमाडौं। एन्टोइन ग्रिज्मानको दुई गोलमा बार्सिलोनाले तेस्रो श्रेणीको क्लब युडी इबिजालाई २-१ ले हराउँदै कोपा डेल रेको अन्तिम १६ मा स्थान बनाएको छ।</p>
<p>बार्सिलोनाले ३० पटक कोपा डेल रेको उपाधि जितिसकेको छ।</p>
<p>पछिल्लो पाँच सिजनमा चार पटक उपाधि उचालेको बार्सिलोनाले लियोनल मेसी र जेरार्ड पिकेलाई आराम दिएको थियो।</p>
<p>घरेलु टोली इबिजाले नवौं मिनेटमा अग्रता लिएको थियो।</p>
<p>इबिजाको जाभि परेजले नासिमेन्टोको पासमा गोल गर्दै घरेलु टोलीलाई अग्रता दिए।</p>
<p>परेजले गोल गर्दा ४५ सय दर्शक क्षमताको रंगशालाको मोहल रोमाञ्चक बनेको थियो।</p>
<p>तर, इबिजाले उक्त अग्रतालाई अन्तिमसम्म कायम राख्न सकेन।</p>
<p>भारी वर्षा भएको खेलमा फ्रान्सका गिज्मानले ७२औं मिनेटमा बराबरी गोल फर्काए।</p>
<p>गिज्मानले इन्जुरीमा अर्को गोल थप्दै बार्सिलोनालाई जित दिलाए।</p>
<p>इबिजालाई बार्सिलोना पूर्वखेलाडी पाब्लो अल्फारोले प्रशिक्षण दिइरहेका छन्।</p>
<p>अल्फारोले बार्सिलोनाका प्रशिक्षक क्वेक सेटिनसँग रेसिङ सान्टान्डरबाट तीन वर्षसँगै खेलेका थिए।</p>
प्रतिक्रिया दिनुहोस्
.jpg)
