सेप्टेम्बरपछि बेलको पहिलो गोल
<p>काठमाडौं। गारेथ बेलले सेप्टेम्बरपछि पहिलो गोल गरेको दिन रियाल मड्रिडले गएराति केपा डेल रेमा तेस्रो श्रेणीको क्लब युनियनिस्टसलाई ३-१ ले हराउँदै अन्तिम १६ मा स्थान बनाएको छ।</p>
<p>सालामान्कामा वेल्सका फरवार्ड बेलले १८औं मिनेटमा गरेको गोलमा रियालले अग्रता लिएको थियो।</p>
<p>युनियनिस्टसका बैकल्पिक खेलाडि अल्भारो रोमेरोले ५७औं मिनेटमा बराबरी गोल फर्काए।</p>
<p>६२औं मिनेटमा जुआन गोंगोराले गरेको आत्मघाती गोलमा रियालले पूनः अग्रता लियो।</p>
<p>अन्तिम मिनेटमा म्यानचेस्टर सिटीको पूर्व मिडफिल्डर ब्राहिम डियाजले अर्को गोल थपेपछि रियाल अन्तिम १६ मा स्थान बनाउन सफल भयो।</p>
<p>बेल जारी पिडौंलाको चोटबाट थलिएका थिए। उनी प्रशिक्षक जिनेदिन जिदानसँगको सम्बन्धका कारण पनि चर्चामा छन्।</p>
<p>जिदानसँगको उनको सम्बन्ध चिसिएको छ। उनले पछिल्लो समय १ सेप्टेम्बरमा ला लिगामा भिल्लारियालविरुद्ध गोल गरेका थिए।</p>
प्रतिक्रिया दिनुहोस्
.jpg)
