लेस्टरको सहज जित
<p>काठमाडौं। लेस्टर सिटीले इङ्लिस प्रिमियर लिगमा गएराति किंग पावर रंगशालामा वेष्टह्याममाथि ४-१ को सहज विजय हासिल गरे पनि जेमी भार्डेको चोटले चिन्तित भएको छ।</p>
<p>हार्बे बार्नेसको गोलमा लेस्टरले २४औं मिनेटमा अग्रता लिएको थियो।</p>
<p>पहिलो हाफको अन्त्यमा रिकार्डो परेराले टिमको अग्रता दोब्बर बनाए।</p>
<p>वेष्ट ह्यामका कप्तान मार्क नोब्लेले पेनाल्टीमा गोल गर्दै पुनरागमनको संकेत गरेका थिए।</p>
<p>तर,आयोज पेरेसले अन्तिम दश मिनेटमा दुई गोल गरेपछि लेस्टरले सहज विजय हासिल गरेको हो।</p>
<p>पेरेसले ८१औं मिनेटमा पेनाल्टीमा गोल गरे भने ८८औं मिनेटमा अर्को गोल थपे।</p>
<p>घुँडाको शल्यक्रियापछि फर्किएका मिडफिल्डर विलफ्रेड एनडिडी ३४औं मिनेटमा मैदान छिरेपछि लेस्टरको खेल परिवर्तन भएको थियो।</p>
<p>तर, ४३औं मिनेटमा भार्डे घाइते भएर बेन्चमा फर्किएका थिए।</p>
<p>भार्डेले जारी सिजन १७ गोल गरिसकेका छन् भने चार गोलमा अवसर सिर्जना गरिदिएका छन्।</p>
<p>तथापी भार्डेको चोट सामान्य रहेको प्रशिक्षक ब्रेन्डन रोजर्सले बताए। उनले भने, "ह्यामस्ट्रिङ होइन रहेछ। जुन सुखद हो। आशा गरौं अब केही दिनमा उनी ठिक हुनेछन्।"</p>
<p>जितसँगै ४८ अंक जोडेको लेस्टर तेस्रो स्थानमा यथावत छ भने वेष्ट ह्याम १७औं स्थानमा छ। वेष्ट ह्यामको २३ अंक छ।</p>
<p>जुन रेलिगेशन क्षेत्रको बर्नमाउथ र वाटफोर्डसँग बराबर हो।</p>
प्रतिक्रिया दिनुहोस्
.jpg)
