आफ्नै समर्थकले गिज्याए युनाइटेडलाई
<p>काठमाडौं। घरेलु मैदानमा ओल्ड ट्राफोर्डमा बर्नलीसँग २-० ले पराजित भएपछि म्यानचेस्टर युनाइटेडलाई आफ्नै समर्थकले गिज्याएका थिए।</p>
<p>इङ्लिस प्रिमियर लिगको खेलमा बर्ननलीले पहिलो हाफ सकिन ६ मिनेट बाँकी छँदा अग्रता लिएको थियो।</p>
<p>बेन मीले हेडमार्फत दिएको पासलाई ६ यार्ड बक्सभित्र रहेका क्रिस उडले पोष्टको दिशा दिएका हुन्।</p>
<p>जोए रोड्रिग्वेजले ५६औं मिनेटमा अग्रता दोब्बर बनाए।</p>
<p>उनले उडसँग ‘वान टु’ पासपछि गरेको प्रहार युनाइटेडका गोलकिपर डेबिड डी हियाले रोक्न सकेनन्।</p>
<p>बर्नलीले ओल्ड ट्राफोर्डमा दुई शुन्यको अग्रता लिएको यो लगातार तेस्रो सिजन हो।</p>
<p>तर, तीन अंक हासिल गरेको भने यो पहिलो हो। यसअघि दुबै सिजन बर्नली अग्रता लिए पनि बराबरीमा रोकिएको थियो।</p>
<p>चोटका कारण युनाइटेडमा मार्कुस राशफोर्ड थिएनन्। उनी कम्तिमा ६ हप्ता मैदान रहनेछन्।</p>
<p>मध्यान्तरमा समर्थकले युनाइटेडका खेलाडीलाई गिज्याएका थिए भने खेल सकिन पाँच मिनेट बाँकी छदै रंगशालाका अधिकांश भाग खाली भइसकेको थियो।</p>
<p>हारसँगै आले गनर सोल्सायरको टोली शीर्ष चारको क्लब चेल्सीभन्दा ६ अंकले पछि छ।</p>
<p>बर्नलीले १३औं स्थानमा उक्लिएको छ। जुन रेलिगेशन क्षेत्रको टोलीभन्दा सात अंकले माथि हो।</p>
प्रतिक्रिया दिनुहोस्
.jpg)
