बायर्न दोस्रो स्थानमा उक्लियो
<p>काठमाडौं। दोस्रो हाफमा गरेको चार गोलमा बायर्न म्युनिखले हेर्था बर्लिनलाई ४–० ले हराउँदै जर्मन बुन्डेसलिगाको दोस्रो स्थानमा उक्लिएको छ।</p>
<p>इभान पेरिसिचको पासमा थोमस मुलरले गरेको गोलमा भ्रमणकारी बायर्नले ६०औं मिनेटमा अग्रता लिएको थियो।</p>
<p>त्यसको तीन मिनेटपछि रोबर्ट लेवन्डोस्कीले गरेको गोललाई भिडिओ सहायक रेफ्रीले मान्यता दिएन।</p>
<p>७३औं मिनेटमा लेवन्डोस्कीले पेनाल्टीमा गोल गर्दे क्लबको अग्रता दोब्बर बनाए।</p>
<p>थियागो अल्कान्टाराले ७६औं मिनेटमा अर्को गोल गरे।</p>
<p>खेल सकिन ६ मिनेट बाँकी हुँदा पेरिसिचले अर्को गोल थपेपछि बायर्नले सहज विजय हासिल गर्‍यो।</p>
<p>जितसँगै बायर्न दोस्रो स्थानमा उक्लिएको छ।</p>
<p>बायर्नको ३६ अंक छ भने शीर्ष स्थानमा रहेको आरबी लिपजिगको ४० अंक छ।</p>
<p>तेस्रो स्थानको बोरुसिया मोन्चेनग्लाडवाचको ३५ अंक छ।</p>
प्रतिक्रिया दिनुहोस्
.jpg)
