रोनाल्डोको दुई गोलमा युभेन्टसको जित
<p>काठमाडौं। क्रिष्टियानो रोनाल्डोले इटालियन सिरी ‘ए’ को पछिल्लो सात खेलमा लगातार गोल गरेको दिन युभेन्टसले पार्माविरुद्ध २-१ को विजय हासिल गरेको छ।</p>
<p>रोनाल्डोले पहिलो हाफ हुनु दुई मिनेटअघि गरेको गोलमा युभेन्टसले अग्रता लिएको थियो।</p>
<p>रोनाल्डोले हानेको सशक्त प्रहार माटेयो डर्मेनलाई लागेर गोल भएको थियो।</p>
<p>५५औं मिनेटमा आन्द्रेस कोर्नेलियसले बराबरी गोल फर्काए। </p>
<p>तर, त्यसको तीन मिनेट नबित्दै पाउलो डिबालाको पासमा रोनाल्डोले अर्को गोल थप्दै युभेन्टसलाई तीन अंक दिलाए।</p>
<p>जितसँगै युभेन्टस लिगको शीर्ष स्थानमा उक्लिएको छ।</p>
<p>युभेन्टसले दोस्रो स्थानको इन्टर मिलानलाई चार अंकले पछि छाडेको छ।</p>
<p>गएराति चाडो गरी भएको खेलमा इन्टर लेससँग १-१ को बराबरीमा रोकिएको थियो।</p>
<p>२००५ पछि लिगको सात खेलमा लगातार गोल गर्ने रोनाल्डो पहिलो युभेन्टसको खेलाडी बने।</p>
<p>२००५ मा डेबिड ट्रेजेगुएटले गोल गरेका थिए।</p>
प्रतिक्रिया दिनुहोस्
.jpg)
