न्युक्यासलसँग चेल्सी स्तब्ध
<p>काठमाडौं। न्युक्यासल युनाइटेडले इङ्लिस प्रिमियर लिगको पछिल्लो पाँच खेलपछि पहिलो जित निकाल्ने क्रमम गएराति चेल्सीलाई १-० ले स्तब्ध बनाएको छ।</p>
<p>सेन्ट जेम्स पार्कमा इसहाक हेडनले इन्जुरी समयमा गरेको गोल न्युक्यासललाई तीन अंक दिलाउन पर्याप्त बन्यो।</p>
<p>दुवै टोलीले त्यसअघि गोलका केही राम्रा अवसर खेर फाले। चेल्सीका टमी अब्राहमको प्रहार बारमा लागेर बाहिरियो भने एन’गोलो कान्टेको प्रहार मार्टिन डुब्राभकाले बचाइदिए।</p>
<p>त्यसअघि जोलिन्टनको हेडिङ क्रसबारमा लागेर फर्किएको थियो।</p>
<p>दोस्रो हाफमा चेल्सीका विलियानले गोलका राम्रो अवसर सदुपयोग गर्न सकेनन् अब्राहमले पनि पाएको अर्को मौका सदुपयोग गर्न सकेनन्।</p>
<p>हारपछि पनि चेल्सी चौथो स्थानमा कायमै छ। चेल्सीको ३९ अंक छ। जुन पाँचौं स्थानको म्यानचेस्टर युनाइटेडभन्दा पाँच अंकले अगाडी हो।</p>
<p>युनाइटेडले आज शीर्ष क्लब लिभरपुलविरुद्ध खेल्दैछ। न्युक्यासल २९ अंकका साथ १२औं स्थानमा छ।</p>
<p>गएराति नै सम्पन्‍न अन्य खेलमा उल्भरह्याम्पटनले उत्कृष्ट पुनरागमन गर्दै साउथह्याम्पटनलाई ३-२ ले पराजित गर्‍यो।</p>
<p>दुई शुन्यले पछि परेको स्थिती उल्टाउदै उल्भरह्याम्पटनले तीन अंक जोडेको हो।</p>
<p>उल्भरह्याम्पटन ३४ अंकका साथ छैटौं स्थानमा छ। २८ अंक जोडेको साउथह्याम्पटन १३औं स्थानमा छ।</p>
<p>पुछारमा रहेको नर्विच सिटीले बर्नमाउथलाई १-० ले हरायो। एभर्टन वेष्ट ह्यामसँग १-१ को बराबरीमा रोकियो।</p>
<p>ब्राइटन र एस्टन भिल्लाले पनि १-१ को बराबरी खेले।</p>
<p>आर्सनल सेफिल्ड युनाइटेडसँग १-१ को बराबरीमा रोकियो। बराबरीसँगै आर्सनल दशौं स्थानमा छ भने सेफिल्ड युनाइटेड सातौं स्थानमा छ।</p>
प्रतिक्रिया दिनुहोस्
.jpg)
