.JPG)
बाग्मती प्रदेशलाई पराजित गर्दै आर्मी मनमोहन कपको फाइनलमा
<p>काठमाडौं। बाग्मती प्रदेशलाई ६४ रनले पराजित गर्दै डिफेन्डिङ च्याम्पियन त्रिभुवन आर्मी क्लब सुनसरीको इनरुवामा जारी मनमोहन मेमोरियल एकदिवसीय राष्ट्रिय प्रतियोगिताको फाइनल प्रवेश गरेको छ । </p>
<p>आज भएको सेमीफाइनलमा आर्मीले दिएको २ सय १७ रनको लक्ष्य पछ्याउने क्रममा बाग्मती प्रदेशले ३८.१ ओभरमा सबै विकेट गुमाएर १५२ रन मात्र बनाउन सक्यो । </p>
<p>लक्ष्य पछ्याउने क्रममा बाग्मती प्रदेशका लागि सोनु तामाङले सर्वाधिक ७४ रन बनाए। उनले ७५ बलमा ६ छक्का र ४ चौका प्रहार गरे। इशान पाण्डेले १७ तथा सुबास खकुरेलले १५ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। </p>
<p>बाग्मती प्रदेशको बलिङमा देब्रे हाते स्पिनर सुशन भारिले सर्वाधिक ३ विकेट लिए। भारिले ८.१ ओभरमा ३ मेडन राख्दै २३ रन खर्चिए। अर्का देब्रे हाते स्पिनर शाहब आलमले २ विकेट तथा बिक्रम सोब, हरि बहादुर चौहान , हरि कृष्ण झा र कुशल मल्लले समान १ विकेट लिए ।</p>
<p>यसअघि टस जितेर ब्याटिंग रोजेको आर्मीले निर्धारित ४७ ओभरमा सबै विकेट गुमाएर २१६ रन बनाएको थियो।</p>
<p>ढिला सुरु भएका कारण खेल ४७ ओभरमा झारिएको थियो। </p>
<p>आर्मीका लागि ओपनर ब्याट्सम्यान अनिल मण्डलले सर्वाधिक ४३ रन बनाए। त्यस्तै कुशल मल्लले ३७, रोहित पौडेलले २९, बिक्रम सोबले २४, राजेश पुलामीले १७ र भिम शार्कीले १५ रन बनाए।</p>
<p>बाग्मती प्रदेशका लागि तीब्र गतिका बलर गौतम केसीले ७.३ ओभर बलिङ गर्दै २२ रन खर्चिएर ४ विकेट लिएका थिए। त्यस्तै तिलक राज भण्डारी, नन्दन यादब र इशान पाण्डेले २/२ विकेट लिए।</p>
<p>खेलमा प्लेयर अफ द म्याच कुशल मल्ल चुनिए। प्रतियोगिता अन्तर्गत दोश्रो सेमीफाइनल खेल नेपाल पुलिस क्लब र सुदूरपश्चिम प्रदेशबीच २ माघमा हुनेछ भने फाइनल खेल ४ पुसमा हुनेछ।<br />
</p>
प्रतिक्रिया दिनुहोस्
.jpg)
