बार्सिलोनाका मुख्य प्रशिक्षक भाल्भार्डे बर्खास्त
<p>काठमाडौं। बार्सिलोनाले मुख्य प्रशिषक इर्नेस्टो भल्भार्डेलाई बर्खास्त गरेको छ।</p>
<p>स्पेनिस ला लिगा च्याम्पियन बार्सिलोनाले भाल्भार्डेको स्थानमा रियाल बेटिसका पूर्व प्रशिक्षक क्विकुए सेटिएनलाई नियुक्त गरेको छ।</p>
<p>भाल्भार्डेको प्रशिक्षणमा बार्सिलोनाले लगातार दुई पटक ला लिगााको उपाधि जितेको थियो।</p>
<p>जारी सिजन बार्सिलोना लिगमा गोलअन्तरले शीर्ष स्थानमा छ।</p>
<p>तथापी भाल्भार्डेको नेतृत्वमा बार्सिलोनाले निरन्तर अप्रत्यासित नतिजा बेहोर्दै आएको छ।</p>
<p>तर, गत सिजन च्याम्पियन्स लिगको सेमिफाइनलबाटै बाहिरिएको थियो।</p>
<p>च्याम्पियन्स लिग सेमिफाइनलको पहिलो लेगमा लिभरपुलविरुद्ध ३-० को अग्रता लिएर पनि पराजित हुनुका साथै कोपा डेल रेको फाइनलमा भ्यालेन्सियासँग पराजित भएपछि भाल्भार्डे दबाबमा रहेका थिए।</p>
<p>जारी सिजन पनि साउदी अरबमा सम्पन्न कोपा डेल रेको सेमिफाइनलमा एट्लेटिको मड्रिडसँग पराजित भएको तीन दिनपछि भाल्भार्डोलाई बार्सिालोनाले बर्खास्त गरेको हो।</p>
<p>जारी सिजन लिगको शीर्ष स्थानमा रहे पनि एथलेटिक बिल्बाओ, ग्रानडा र लेभान्टे जस्तो टिमसँग पराजित हुनुका साथै बार्सिलोनाले ओसासुना, रियाल सोसिडाड र स्पानियोलसँग बराबरी खेलेको थियो।</p>
<p>बार्सिलोनाले ‘क्याटलान बसाईमा भाल्भार्डेले गरेको मिहिनेत, व्यवसायिकता, लगनशिलता, प्रतिबद्धताका साथै टिममा गरेको सकारात्मक परिवर्तनका लागि धन्यवाद’ दिएको छ।</p>
<p>६१ वर्षे सेटिएनले बार्सिलोनासँग साढे दुई वर्षका लागि सम्झैता गरिएको जनाइएको छ।</p>
<p>बार्सिलोना पूर्व मिडफिल्डर जाभी पनि प्रशिक्षक हुने चर्चा थियो।</p>
<p>त्यस्तै टोटेनह्यामका प्रशिक्षक माउरिसियो पोचेटिनो र बार्सिलोना ‘बी’ टीमका जाभी गार्सिया पिमिन्टा पनि बार्सिलोनाको प्रशिक्षक हुने चर्चा थियो।</p>
प्रतिक्रिया दिनुहोस्
.jpg)
