मोनाकोसँग बराबरीमा रोकियो पिएसजी
<p>काठमाडौं। नेइमारले दुई गोल गरे पनि साविक पेरिस सेन्ट जर्मेन (पिएसजी) गएराति फ्रेन्च लिग वानमा मोनाकोसँग ३-३ को बराबरीमा रोकिएको छ।</p>
<p>ब्राजिलियन फरवार्ड नेइमारले तेस्रो मिनेटमै पिएसजीलाई अग्रता दिएका थिए। तर, पिएसजीको अग्रता लामो समय टिक्न सकेन।</p>
<p>भ्रमणकारी मोनाकोका गेल्सन मार्टिन्सले सातौं मिनेटमा बराबरी गोल फर्काए।</p>
<p>त्यसको ६ मिनेट वित्न नपाउँदै बेन एडरको गोलमा मोनाकोले अग्रता लियो।</p>
<p>मोनाकोका फोडे बालो-टोउरेको आत्मघाती गोल उपहारमा पिएसजीले २४औं मिनेटमा बराबरी गर्‍यो।</p>
<p>४२औं मिनेटमा नेइमारको गोलमा पिएसजीले पूनः अग्रता लियो।</p>
<p>तर, ७०औं मिनेटमा स्लाम स्लिमानीले बराबरी गोल फर्काएपछि पिएसजी घरेलु मैदानमा अंक बाड्न बाध्य भयो।</p>
<p>केलियन एमबाप्पे र इडिसन काभानीले इन्जुरी समयमा पाएको राम्रो सदुपयोग गर्न सकेनन्।</p>
<p>बराबरीका बाबजुद पिएसजी ४६ अंकका साथ शीर्ष स्थानमा छ।</p>
<p>जुन दोस्रो स्थानको मार्सिलेको भन्दा पाँच अंकले बढी हो।</p>
<p>मोनाको भने २९ अंकका साथ आठौं स्थानमा छ।</p>
प्रतिक्रिया दिनुहोस्
.jpg)
