युभेन्टस शीर्ष स्थानमा उक्लियो
<p>काठमाडौं। क्रिष्टियानो रोनाल्डोले गोल गरेको दिन साविक विजेता युभेन्टसले गएराति एएस रोमालाई २-१ ले हराउँदै इटालियन सिरी ‘ए’ को शीर्ष स्थानमा उक्लिएको छ।</p>
<p>युभेन्टसले उपाधि होडमा रहेको इन्टर मिलानलाई दुई अंकले पछि पारेको छ।</p>
<p>माउरिसियो सारीको युभेन्टसले पहिलो दश मिनेट मिनेटमै दुई गोलको अग्रता लिएको थियो।</p>
<p>पाउलो डिबालाको फ्रिकिकमा मेरिह डेमिरलले तेस्रो मिनेटमै युभेन्टसलाई अग्रता दिएका थिए।</p>
<p>दशौं मिनेटमा रोनाल्डोले पेनाल्टीमा गोल गर्दै युभेन्टसको अग्रता दोब्बर बनाए।</p>
<p>रोमाका जोर्डन भेरेतुले डिबालालाई फाउल गरेपछि युभेन्टसले पेनाल्टी अवसर पाएको थियो।</p>
<p>६८औं मिनेटमा डिएगो पेरोटीले पेनाल्टीमा गरेको गोलमा रोमाले पुनरागमनको संकेत गरेको थियो तर सफल भएन।</p>
<p>जितपछि १९ खेलबाट ४८ अंक जोडेको युभेन्टस शीर्ष स्थानमा उक्लियो।</p>
<p>अघिल्लो दिन एन्टोनियो कोन्टेको इन्टर मिलान एटलान्टासँग १-१ को बराबरीमा रोकिएको थियो।</p>
<p>हारसँगै रोमा पाँचौं स्थानमा झरेको छ।</p>
प्रतिक्रिया दिनुहोस्
.jpg)
