अग्विरोको कीर्तिमानी ह्याट्रिकमा सिटीको रबाफ
<p> </p>
<p>काठमाडौं। सर्जियो अग्विरोको ह्याट्रिकप्रेरित म्यानचेस्टर सिटी गएराति एस्टन भिल्लालाई ६-१ ले हराउँदै इङ्लिस प्रिमियर लिगको दोस्रो स्थानमा उक्लिएको छ।</p>
<p>अग्विरोको यो १२औं ह्याट्रिक हो। यससँगै उनी प्रिमियर लिगमा सबभन्दा धेरै गोल गर्ने विदेशी खेलाडी बनेका छन्।</p>
<p>अर्जेन्टिका फरवार्ड अग्विरोले थिएरी अनरीलाई पछि पार्दै फ्रांक लामपार्डको १७७ गोलसँग बरबरी गरेका छन्।</p>
<p>अग्विरोले २५५ खेलमा यो गोल गरेका हुन्।</p>
<p>एलेन शेएरर (२६०), वाइन रूनी(२०८) र एन्डी कोल(१८७) तीन जनामात्र अग्विरोभन्दा माथि छन्।</p>
<p>अग्विरोको ह्याट्रिक संख्या भने कीर्तिमान हो।</p>
<p>"आजको जित र नयाँ कोशेढुंगा बनाउन सफल भएकोमा म धेरै खुशी छु। महान खेलाडी अनरी, लामपार्ड र एलेन शेएररको बीचमा आफूलाई उभ्यान पाउँदा गर्व लागेको छ", अग्विरोले भने, "यो सम्भव बनाउन मलाई सहयोग गर्नुहुने सबैप्रति आभारी छु। सिटी र मेरो परिवारको साथ विशेष छ। यो सफलता मेरो छोरा बेन्जामिनलाइ समर्पित गर्दछु।"</p>
<p>एस्टन भिल्लाको भने खराब प्रदर्शन हो। भिल्ला पार्कमा २०१६ फ्रेब्रुअरीमा लिभरपुलसँग ६-० ले पराजित भएपछि एस्टन भिल्लाको यो सबभन्दा फराकिलो हार हो।</p>
<p>हारसँगै एस्टन भिल्ला रेलिगेशन क्षेत्रमा धकेलिएको छ।</p>
<p>अग्विरोबाहेक सिटीका लागि अन्य गोल रियाद महारेजले दुई तथा गाब्रियल जिससले एक गोल गरे। जितसँगै ४७ अंक जोडेको सिटी दोस्रो स्थानमा उक्लिएको छ।</p>
<p>सिटीले लेस्टर सिटीलाई दुई अंकले पछि पारेको हो। एक खेल कम खेलेको लिभरपुल भने ६१ अंकका साथ शीर्ष स्थानमा छ।</p>
<p>लिभरपुलभन्दा सिटी अझै १४ अंकले पछि छ।</p>
<p>२०११ मा एट्लेटिको मड्रिडबाट सिटीले ४ करोड पाउण्डमा अग्विरोलाई अनुबन्ध गर्दा धेरैले पैसा खेर फालेको भनेका थिए।</p>
<p>अग्विरोले डेब्यू खेलमै स्वान्सी सिटीविरुद्ध दुई गोल गरेका थिए। त्यसपछि उनी रोकिएका छैनन्।</p>
<p>३१ वर्षे अग्विरोले क्लबको कीर्तिमानी धेरै गोल गर्ने खेलाडी हुन्।</p>
<p>सिटीबाट सबै खाले प्रतियोगितामा २५० गोल संख्या पुर्याउनबाट अग्विरो एक गोलले मात्र पछि छन्।</p>
<p>"उनी असाधारण खेलाडी हुन्", सिटीका प्रशिक्षक पेप ग्वार्डिओलाले भने, "उनी हाम्रो क्लबमा हुनु गर्वको कुरा हो। एकदिन उनले कीर्तिमान बनाउनेछन्।"</p>
<p>प्रशिक्षक ग्वार्डिओलाले मेसीपछि अग्विरो विश्वकै दोस्रो उत्कृष्ट खेलाडी भएको बताए। "मेसी उत्कृष्ट हुन्", ग्वार्डिओलाले थपे, "मेसी नम्बर ९, १०, ११, ६, ४ हुन्। तर, त्यसपछि अग्विरो हुन्।"</p>
प्रतिक्रिया दिनुहोस्
.jpg)
