इन्टरले अग्रता बढाउने मौका गुमायो
<p>काठमाडौं। शीर्ष क्लब इन्टर मिलानले गएराति एटलान्टासँग १-१ को बराबरी खेलेपछि इटालियन सिरी ‘ए’ मा तीन अंकको स्पष्ट अग्रता लिने मौका गुमाएको छ।</p>
<p>घरेलु मैदान सान सिएरो इन्टरले चौथो मिनेटमै अग्रता लिएको थियो।</p>
<p>लाउटारो मार्टिनेजले लुकाकुको पासलाई नियन्त्रणमा लिदै गोल गरेका थिए।</p>
<p>जारी सिजन मार्टिनेजको यो १७औं गोल हो। दोस्रो हाफमा भ्रमणकारी एटलान्टाले सुधारिएको प्रदर्शन गर्‍यो।</p>
<p>खेल सकिन १५ मिनेट बाँकी रहँदा रोबिन गोसेन्सले गोल गरेपछि एटलान्टाले अंक खोस्न सफल भयो।</p>
<p>खेलको दुई मिनेट बाँकी रहँदा इन्टरका गोलकिपर समिर हन्डालनोभिचले लुइस मुरिएलको पेनाल्टी बचाइदिएपछि इन्टर हारबाट जोगिएको थियो।</p>
<p>इन्टरका एलेसान्द्रो बोस्तोनीले रुस्लान मालिनोभस्कीलाई फाउल गरेपछि एटलान्टाले पेनाल्टी अवसर पाएको थियो।</p>
<p>बराबरीसँग इन्टरले अपराजित यात्रालाई १२ खेलसम्म लम्बाएको छ। इन्टरले १९ खेलबाट ४६ अंक जोडेको छ। जुन दोस्रो स्थानको युभेन्टसभन्दा एक अंकले मात्र अगाडी हो।</p>
<p>युभेन्टसले आज रोमालाई पराजित गरे शीर्ष स्थानमा उक्लिनेछ।</p>
<p>१८ खेलबाट ४२ अंक जोडेको जालियो तेस्रो स्थानमा छ।</p>
<p>सिरो इमोबाइलले खेल सकिन दुई मिनेट बाँकी रहँदा गरेको गोलमा लाजियोले गएराति नोपोलीलाई १-० ले पराजित गरेको थियो।</p>
<p>लिगमा लाजियोको यो लगातार दशौं जित हो।</p>
प्रतिक्रिया दिनुहोस्
.jpg)
