इकार्डीको ह्याट्रिकमा पिएसजीको जित
<p>काठमाडौं। माउरो इकार्डीले ह्याट्रिक गरेपछि पेरिस सेन्ट जर्मेन (पिएसजी) ले दश खेलाडीमा सिमित भएको सेन्ट-एटिनेमाथि ६-१ को फराकिलो नतिजा निकाल्दै फ्रेन्च लिग कपको अन्तिम चारमा स्थान बनाएको छ।</p>
<p>इन्टर मिलानबाट लोनमा फ्रान्स पुगेका इकार्डीले दोस्रो मिनेटमै पिएसजीलाई अग्रता दिएका थिए।</p>
<p>३१औं मिनेटा वेस्ले फोफानाले दोस्रो पहेँलो कार्डको सामना गर्दै मैदान छाडेपछि भ्रमणकारी सेन्ट-एटिने दश खेलाडीमा सिमित भएको थियो।</p>
<p>नेइमारले ३९औं मिनेटमा अग्रता दोब्बर बनाए भने जोसी मोउलिनले ४४औं मिनेटमा आत्मघाती गोल गरेपछि पिएसजीले पहिलो हाफमै तीन गोलको अग्रता बनायो।</p>
<p>४९औं मिनेटमा व्यक्तिगत दोस्रो गोल गरेका इकार्डीले त्यसको आठ मिनेटपछि ह्याट्रिक गरेक थिए।</p>
<p>केलियन एमबाप्पेले ६७औं मिनेटमा अर्को थपेपछि पिएसजीले ६ गोलको अग्रता बनायो।</p>
<p>योहान काबाएले ७१औं मिनेटमा गरेको गोल सेन्ट-एटिनेका लागि सान्त्वना बन्यो।</p>
प्रतिक्रिया दिनुहोस्
.jpg)
