क्रुसले गरे कर्नरमा गोल, रियाल फाइनलमा
<p>काठमाडौं। टोनी क्रुसले कर्नरमा गोल गरेको खेलमा रियाल मड्रिडले गएराती स्पेनिस सुपर कपमा भ्यालेन्सियालाई ३-१ ले हराउँदै फाइनलमा स्थान बनाएको छ।</p>
<p>साउदी अरबको किंग अब्दुल्लाह स्पोर्टस सिटीमा रियालले १५औं मिनेटमा कर्नर किकको अवसर पाएको थियो।</p>
<p>भ्यालेन्सिका गोलकिपर जाउमी डोमेनेचले रक्षकहरूलाई निर्देशन दिन गोलबाट अगाडी बढेका थिए।</p>
<p>त्यही अवस्थामा क्रुसले चलाखीपूर्ण ढंगले हानेको कर्नर गोलमा परिणत भएको थिए।</p>
<p>भ्यालेन्सियाका गोलकिपर डोमेनेचले पछाडी फर्किएर बचाउने प्रयास गरेका थिए। तर उनको पञ्चले बल झनै पोष्टभित्र छिरेको थियो।</p>
<p>३९औं मिनेटमा इस्कोले भलीमा गोल गर्दै रियालको अग्रता दोब्बर बनाए।</p>
<p>६५औं मिनेटमा लुका मोड्रिचले अर्को गोल थपेपछि रियालले तीन गोलको अग्रता लियो।</p>
<p>अन्तिम मिनेटमा ड्यानियल परेजोले पेनाल्टीमा गरेको गोल भ्यालेन्सिका लागि सान्त्वना बन्यो।</p>
<p>सर्जियो रामोसले क्लियर गर्नेक्रममा हातले बल छोएपछि रेफ्री जिसस गिलले भिडियो सहायक रेफ्रीको सहायतामा पेनाल्टी दिने निर्णय गरेका थिए।</p>
<p>रियालले अब बार्सिलोना र एट्लेटिको मड्रिडबीचको विजेतासँग उपाधिका लागि आइतबार प्रतिस्पर्धा गर्नेछ।</p>
<p>बार्सिलोना र एट्लेटिकोले आज राति प्रतिस्पर्धा गर्नेछन्।</p>
<p>यो सिजन प्रतियोगिताको स्वरूपमा परिवर्तन गरिएको छ। ला लिगाको शीर्ष दुई क्लब र कोपा डेल रेको फाइनल खेल्ने दुई क्लबले यस प्रतियोगतामा प्रतिस्पर्धा गर्नेछन्।</p>
<p>यसअघि ला लिगा र कोपा डेल रेको विजेताले सिधै उपाधिका लागि प्रतिस्पर्धा गर्थे।</p>
<p>रियालले गत सिजन ला लिगाको तेस्रो स्थान रहेको थियो।</p>
<p>तर, बार्सिलाना ला लिगाको शीर्ष स्थानमा रहनुको साथै कोपा डेल रेको उपविजेता भएका कारण रियालले मौका पाएको हो।</p>
<p>गोल अन्तरका आधरमा जारी सिजन ला लिगाको दोस्रो स्थानमा रहेको रियालले शुरूबाटै भ्यालेन्सियालाई दबाबमा राखेको थियो।</p>
<p>जिनेदिन जिदानको रियालले गोलका लागि १७ प्रयास गरेको थियो।</p>
<p>इस्कोको हेड पोष्टमा लागेर फर्किएको थियो भने लुका जोभिचले दुई यार्डबाट हानेको प्रहार डोमेनिचले रोकिदिएका थिए।</p>
प्रतिक्रिया दिनुहोस्
.jpg)
