मानेलाई अफ्रिकन वर्ष खेलाडी अवार्ड
<p>काठमाडौं। लिभरपुलका फरवार्ड सडियो मानेले अफ्रिकन वर्ष खेलाडीको अवार्ड जितेका छन्।</p>
<p>कन्फेडेरेसन अफ अफ्रिकन फुटबल (काफ) को प्रदान गरेको अवार्डमा मानेले लिभरपुलकै सहयात्री मोहम्मद सालाह र म्यानचेस्टर सिटीका विंगर रियाद माहरेजलाई पछि पारेका हुन्।</p>
<p>२७ वर्षिय मानेले गत सिजन लिभरपुलबाट ३० गोल गरेका थिए भने क्लबलाई क्लबलाई च्याम्पियन्स लिगको उपाधि जिताउन महत्वपुर्ण भुमिका खेलेका थिए।</p>
<p>उनले यस सिजन पनि लिभरपुलबाट १५ गोल गरिसकेका छन्। लिभरपुल अहिले इङ्लिस प्रिमियर लिगमा १३ अंकको स्पष्ट अग्रतासहित शीर्ष स्थानमा छ।</p>
<p>"म साँच्चिकै खुशी छु र यो अवार्ड जित्न पाउँदा गर्व लागेको छ। फुटबल मेरो काम हो र म यसलाई माया गर्छु," मानेले भने, "मेरो परिवार, राष्ट्रिय टीम, फेडेरेसन र लिभरपुलका सम्पुर्ण साथी तथा कर्मचारीहरूलाई धन्यवाद दिन चाहन्छु। मेरो लागि यो विशेष दिन हो।"</p>
<p>मानेले इजिप्टको हर्गाडामा आयोजित एक समारोहमा अवार्ड थापेका थिए। तर, यसअघि लगातार दुई पटक यो अवार्ड जितेका सालाह र माहरेज दुबै जना अवार्ड समारोहमा उपस्थित थिएनन्।</p>
<p>माने पछिल्लो तीन वर्षदेखी यो अवार्डको शीर्ष तीनमा पर्दै आएका थिए।</p>
<p>अफ्रिकन वेष्ट ११ मा इङ्लिस प्रिमियर लिगको बर्चश्व रह्यो। ११ मध्ये ६ खेलाडी प्रिमियर लिगबाट थिए।</p>
<p>टीम अफ दी इयरको अवार्ड भने अल्जेरियाले जित्यो। त्यस्तै युवा खेलाडीको अवार्ड अर्चफ हाकीमीले जिते।</p>
प्रतिक्रिया दिनुहोस्
.jpg)
