लुकाकुको दुई गोलले इन्टर शीर्ष स्थानमा फर्कियो
<p>काठमाडौं। रोमेलु लुकाकुले दुई गोल गरेको खेलमा इन्टर मिलानले नेपोलीलाई ३-१ ले पराजित गर्दै इटालियन सिरी ‘ए’ को शीर्ष स्थानमा उक्लिएको छ।</p>
<p>चाडो गरी भएको खेलमा युभेन्टसले कागलिएरीलाई ४-० ले हराउँदै केही समयका लागि शीर्ष स्थानमा उक्लिएको थियो।</p>
<p>तर, इन्टरले आठौं स्थानको नेपोलीलाई पराजित गर्दै शीर्ष स्थानमा उक्लिएको हो।</p>
<p>लुकाकुले १४औं मिनेटमा गरेको गोलमा इन्टरले अग्रता लिएको थियो। ३३औं मिनेटमा लुकाकुले इन्टरको अग्रता दोब्बर बनाए।</p>
<p>त्यसको ६ मिनेट नविन्दै अर्काडिउज मिलिकको गोलमा नेपोलीले पुनरागमन गर्ने प्रयास गरे पनि ६२औं मिनेटमा लउटारो मार्टिनेजले अर्को गोल गरेपछि इन्टरको जित पक्का भएको थियो।</p>
<p>म्यानचेस्टर युनाइटेडबाट गत अगष्टमा ७ करोड ४० लाख पाउण्डमा इटाली आएका लुकाकुले सिरी ‘ए’ मा १४ गोल गरिसकेका छन्।</p>
<p>सिरीको जारी सिजनमा बेल्जियमका २६ वर्षे लुकाकुभन्दा लाजियोका सिरो इमोबाइलले मात्र धेरै गोल (१९) गोल गरेका छन्।</p>
<p>क्रिष्टियानो रोनाल्डो (१३) तेस्रो स्थानमा छन्।</p>
<p>प्रशिक्षक कार्लो एन्सेलोट्टीलाई बर्खास्त गरेपछि नेपोलीले पछिल्लो तीनमध्ये दुई खेलमा पराजित भइसकेको छ।</p>
<p>इन्टर र युभेन्टसको १८ खेलबाट समान ४५ अंक जुन तेस्रो स्थानको लाजियोको भन्दा ६ अंकले बढी हो।</p>
प्रतिक्रिया दिनुहोस्
.jpg)
