सिरी ‘ए’ मा रोनाल्डोको पहिलो ह्याट्रिक
<p>काठमाडौं। क्रिष्टियानो रोनाल्डोले इटालियन सिरी ‘ए’ मा पहिलो ह्याट्रिक गरेको दिन युभेन्टसले गएराति कागलिएरीविरुद्ध ४-० को सहज नतिजा निकालेको छ।</p>
<p>दोस्रो हाफको शुरूमै रागनर क्लाभनले गरेको गल्तिको फाइदा उठाउँदै रोनाल्डो युभेन्टसलाई अग्रता दिएका थिए।</p>
<p>६७औं मिनेटमा रोनाल्डोले पेनाल्टीमा गोल गर्दै अग्रता दोब्बर बनाए।</p>
<p>कागलिएरीका मार्को रोगले पाउलो डिबालालाई फाउल गरेपछि युभेन्टसले पेनाल्टीको अवसर पाएको हो।</p>
<p>पोर्चुगलका फरवार्ड रोनाल्डोले मिलाइदिएको पासमा गोल्जालो हिग्विनले अर्को थपे।</p>
<p>खेल सकिन आठ मिनेट बाँकी रहँदा डगलस कोष्टाको पासमा रोनाल्डो गोल गर्दै ह्याट्रिक गरे। खेल करियरमा रोनाल्डोको यो ५६औं ह्याट्रिक हो।</p>
<p>२०१८ मा रियाल मड्रिडबाट नौ करोड ९२ लाख पाउण्डमा युभेन्टस आएपछि रोनाल्डो अहिले सबभन्दा राम्रो लयमा छन्।</p>
<p>उनले सिरी ‘ए’ को पछिल्ला सबै तीन खेलमा गोल गरेका थिए।</p>
<p>युभेन्टसमा रोनाल्डो यो दोस्रो ह्याट्रिक हो। उनले यसअघि च्याम्पियन्स लिगअन्तर्गत एट्लेटिको मड्रिडविरुद्ध पनि ह्याट्रिक गरेका थिए।</p>
<p>त्यसपछि पनि उनले पोर्चुगलका लागि तीन ह्याट्रिक गरिसकेका छन्।</p>
<p>म्यानचेस्टर युनाइटेडका पूर्व स्ट्राइकर रोनाल्डो एलेक्सिस सान्चेजपछि इङ्लिस प्रिमियर लिग, स्पेनिस ला लिगा र सिरी ‘ए’ तीन वटै लिगमा गोल गर्ने पहिलो खेलाडी हुन्।</p>
प्रतिक्रिया दिनुहोस्
.jpg)
