अस्ट्रेलियाद्वारा टेष्ट शृंखला क्लिनस्वीप
<p>काठमाडौं। डेबिड वार्नरको शतक तथा स्पिनर नाथन लियोन पाँच विकेटप्रेरित अस्ट्रेलियाले आज न्युजिल्यान्डविरुद्धको तेस्रो टेष्टमा २७९ रनको नतिजा निकाल्दै शृंखला क्लिनस्वीप गरेको छ।</p>
<p>अस्ट्रेलियाले पर्थमा सम्पन्न पहिलो टेष्ट २९६ रनले जितेको थियो भने मेलबर्नमा सम्पन्न दोस्रो टेष्ट २४७ रनले जितेको थियो।</p>
<p>अस्ट्रेलियाले ४०-४ को स्थितिबाट तेस्रो दिन थालेको थियो। तेस्रो दिन थाल्दा ओपनर वार्नर २३ तथा जोए बर्नस १६ रनको स्थितिमा थिए।</p>
<p>बर्नस ४० रन बनाएर आउट हुँदा चौथो दिन वार्नर १११ रनमा अविजित रहे।</p>
<p>घरेलु टोली अस्ट्रेलियाले २१७-२ को स्थितिमा दोस्रो इनिङ समाप्तीको घोषणा गर्दा वार्नर १११ रनमा अविजित रहे भने मार्नुस लाबुसेनले ५९ रन बनाए।</p>
<p>लियोनले पाँच तथा मिचेल स्टार्कले तीन विकेट लिएपछि ४१६ रनको लक्ष्य पछ्याएको न्युजिल्यान्डले १३६ रन जोड्दा सबै विकेट गुमायो।</p>
<p>न्युजिल्यान्डका लागि कोलिन डी ग्राण्डहोमले सबभन्दा धेरै ५२ रन बनाए।</p>
<p>रोस टेलरले २२, विजे वाटलिङले १९, टोड एस्टलले १७, जीत रावलले १२ रन बनाउनुबाहेक अन्यले दोहोरो अंकमा रन बनाउन सकेनन्।</p>
<p>अस्ट्रेलियाका लियोनले ५० रन दिएर पाँच विकेट लिँदा स्टार्कले २५ रन दिएर तीन विकेट लिए।</p>
<p>पेट कुमिन्सले एक विकेट लिए। लियोनले पहिलो इनिङमा पनि पाँच विकेट लिएका थिए।</p>
प्रतिक्रिया दिनुहोस्
.jpg)
