बार्सिलोना बराबरीमा रोकियो
<p>काठमाडौं। खेल सकिन दुई मिनेट बाँकी रहँदा लि वुले गोल गरेपछि साविक विजेता बार्सिलोना गएराति स्पेनिस ला लिगामा स्पानियोलसँग २-२ को बराबरीमा रोकिएको छ। </p>
<p>घरेलु टोली स्पानियोलले डेबिड लोपेजको गोलबाट २३औं मिनेटमा अग्रता लिएको थियो। </p>
<p>५०औं मिनेटमा लुइस स्वारेजले बराबरी गोल फर्काए। त्यसको नौं मिनेट वित्न नपाउँदै अर्टुरो भिडालले गरेको गोलमा बार्सिलोनाले अग्रता लियो। </p>
<p>७५औं मिनेटमा बार्सिलोनाका फ्रांक डी जोङले दोस्रो पहेँलो कार्डको सामना गरेर मैदान छाडेपछि बार्सिलोना दश खेलाडीमा सिमित भएको थियो। </p>
<p>बार्सिलोना दश खेलाडीमा सिमित भएको फाइदा उठाउँदै खेल सकिन दुई मिनेट बाँकी छदा लि वुले गोल गर्दै टोलीलाई एक अंक दिलाए। </p>
<p>बराबरीका बाबजुद बार्सिलोना शीर्ष स्थानमा उक्लिएको छ। </p>
<p>१९ खेलमा बार्सिलोना र रियाल मड्रिडको समान ४० अंक भए पनि गोलअन्तरमा बार्सिलोना शीर्ष स्थानमा उक्लिएको हो। </p>
<p>११ अंक जोडेको स्पानियोल भने पुछारमा यथावत छ। </p>
<p>गएराति नै एट्लेटिको मड्रिडले लेभान्टेलाई २-१ ले हराउँदै तेस्रो स्थानमा उक्लिएको छ। </p>
<p>एट्लेटिकोका लागि एन्जेल कोरे र फिलिपेले एक एक गोल गरे भने लेभान्टेका रोजरले गोल गरेका थिए। </p>
<p>जितसँगै १९ खेलबाट ३५ अंक जोडेको एट्लेटिको तेस्रो स्थानमा उक्लिएको हो। </p>
<p>चौथो स्थानमा रहेको सेभियाको पनि ३५ अंक छ। तथापी एट्लेटिको गोलअन्तरमा अघि रहेको हो। लेभान्टे भने नवौ स्थानमा छ। </p>
<p>सेभियाले अघिल्लो दिन एथलेटिक बिल्बाओसँग १-१ को बराबरी खेलेको थियो।</p>
प्रतिक्रिया दिनुहोस्
.jpg)
