साविक विजेता सिटी एफए कपको चौथो चरणमा
<p>काठमाडौं। फिल फोडेनको उत्कृष्ट प्रदर्शनप्रेरित म्यानचेस्टर सिटीले गएराति पोर्ट भेललाई ४-१ ले हराउँदै एफए कपको चौथो चरणमा स्थान बनाएको छ। </p>
<p>सिटीले ओलेजेन्डर जिनचेन्कोको गोलबाट १९औं मिनेटमा अग्रता लिएको थियो ३५औं मिनेटमा टोम पोपेले बराबरी गोल फर्काए। </p>
<p>४२औं मिनेटमा सर्जियो अग्विरोले पूनः सिटीलाई अग्रता दिए। </p>
<p>५८औं मिनेटमा सिटीका टेलर हारवुड बेलिसले अर्को गोल थपे। </p>
<p>खेल सकिन १४ मिनेट बाँकी रहँदा फिल फोडेनले गोल थपेपछि सिटीले घरेलु मैदानमा सहज विजय हासिल गर्‍यो। </p>
<p>गएराति नै सम्पन्‍न खेलमा लेस्टर सिटीले विगानलाई २-० ले हरायो भने बर्नमाउथले लुटोनविरुद्ध ४-० को नतिजा निकाल्यो। </p>
<p>वाटफोर्डले ट्रानमेरेसँग ३-३ को बराबरी खेल्दा साउथह्याम्पटनले हडर्सफिल्डलाई २-० को नतिजामा पराजित गर्‍यो। </p>
<p>एस्टन भिल्ला फुलह्यामसँग २-१ ले पराजित हुँदा नर्विच सिटीले प्रिस्टोनलाई ४-२ ले हरायो।</p>
प्रतिक्रिया दिनुहोस्
.jpg)
