शहीद स्मारक लिग: चौथो चरणको खेल सकिँदा मनाङ शीर्ष स्थानमा
<p>काठमाडौं। शहीद स्मारक ए डिभिजन लिगको चौथो चरणका खेल सकिँदासम्म मनाङ मस्र्याङ्दी क्लब शीर्ष स्थानमा छ। </p>
<p>चार खेलमा तीनमा जित तथा एक खेल बराबरी खेल्दै मनाङ १० अंकका साथ शीर्ष स्थानमा रहन सफल भएको हो। </p>
<p>तेस्रो चरण सकिँदासम्म शत प्रतिशत नतिजा निकालेको मनाङ चौथो चरणमा फ्रेन्डस् क्बलसित १-१ को बराबरी खेल्न पुगेको थियो । <br />
<br />
तीन खेलमा जित तथा एकमा बराबरी खलेको मछिन्द्र क्लब दोस्रो स्थानमा छ। </p>
<p>मछिन्द्रले चौथो चरण सकिँदा नौ अंक जोडेको छ। यस्तै तीन खेलमा जित तथा एकमा हार बेहोरेको त्रिभुवन आर्मी क्लब नौ अंकसहित लिगको तेस्रो स्थानमा छ ।</p>
<p>दुई खेलमा जित तथा दुईमा बराबरी खेल्दै आठ अंकका साथ जावलाखेल चौथो स्थानमा छ। </p>
<p>नेपाल पुलिस क्लब दुई खेलमा जित, एउटामा हार तथा एउटामा बराबरी खेल्दै सात अंक जोडेर पाँचौँ स्थानमा छ । </p>
<p>यसैगरी दुई खेलमा जित, एकमा हार र एउटामा बराबरी खेलेको थ्री स्टार सात अंकसहित लिगको छैटौँ स्थानमा छ। </p>
<p>ब्रिगेड ब्वाइज क्लब दुईवटामा जित र दुई खेलमा हार बेहोर्दै छ अंकसहित सातौँ स्थानमा, न्यूरोड टीम दुई खेलमा जित र दुई पराजित हुँदै चार अंकका साथ आठौँ, च्यासल युथ क्लब एक खेलमा जित, दुईमा हार र एउटामा बराबरी खेल्दै चार अंकसहित नवौँ स्थानमा छ। </p>
<p>सशस्त्र प्रहरी बलको एपीएफ क्लब चार खेलमा एउटामा जित, दुईमा हार र एकमा बराबरी खेल्दै चार अंकसहित दशौँ स्थानमा र सङ्कटा क्लब एउटा खेलमा जित, दुईमा हार तथा एउटामा बराबरी खेल्दै चार अंकसहित एघारौँ स्थानमा छ। </p>
<p>समान अंक भए पनि उनीहरू गोल अन्तरका आधारमा दशौँ र ११औँ भएका हुन् । </p>
<p>हिमालयन शेर्पा क्लब दुई खेलमा हार तथा दुईमा बराबरी खेलेर दुई अङ्क जोडेर १२औँ स्थानमा रहेको छ। </p>
<p>चार खेलमा तीनमा हार तथा एकमा बराबरी खेल्दै एक अंक बटुलेको फ्रेन्डस् क्लब १३ औँ स्थानमा छ। </p>
<p>तेस्रो चरणको खेल सकिँदा फ्रेन्डस् क्लब अंकबिहीन थियो। </p>
<p>तेस्रो चरणमा अंकबिहीन अवस्थामा रहेको सरस्वती युथ क्लबको अवस्था चौथो चरणको खेल सकिँदा पनि उस्तै छ। </p>
<p>ऊ चार खेलमै हार बेहोर्दै अंकबिहीन नै छ । <br />
<br />
<strong>पाँचौँ चरणका खेल भोलिदेखि</strong><br />
<br />
लिगअन्तर्गत पाँचौँ चरणका खेल १९ पुसदेखि हुनेछन्। </p>
<p>पाँचौँ चरणका खेल दशरथ रंगशाला र सातदोबाटोस्थित अखिल नेपाल फुटबल संघ (एन्फा) कम्प्लेक्सको खेल मैदानमा खेलाइनेछ। </p>
<p>१९ पुसमा सातदोबाटोमा न्यूरोड टिम र जावलाखेल युथ क्लबबीच तथा अर्को खेल दशरथ रंगशालामा मनाङ मस्र्याङ्दी क्लब र मछिन्द्र क्लबबीच हुनेछ। <em>रासस</em></p>
प्रतिक्रिया दिनुहोस्
.jpg)
